Тиквеш со колективна игра до победа над Макстил

Тиквеш 8-6(4-2) Макстил

Тиквеш: Eрвин Ризaов 15”, Деко Марков 13” 18”, Дамјан Петревски 22” 39”, Амар Елмази 10″ 28″ Нино Рангеловиќ 36″
Макстил: Мухамед Исмаили 6”, Етемов Бурхан 20”, Лазев Мартин 29” 37”, Неделковски Бојан 32” 38”

Екипата на Макстил одлично го отвори натпреварот со екипата на Тиквеш. Уште во раната фаза преку Исмаили 6” успеа да дојде до предност од 0-1. По овој гол екипата на Тиквеш успеа да ги консолидира своите редови и со одлично поставен напад да најде против игра за екипата на Макстил. Во редовите на Тиквеш проработе дуото Ризаов – Марков кои со 4 гола во низа не само што направија пресврт туку и донесоа предност на екипата на Тиквеш од 4-1. Екипата на Макстил успеа во самиот финиш од првото полувреме преку Бурхан 20” да намали на 4-2, резултат со кој се отиде на полувремето.
Во второто полувреме и двете екипи продолжија во отворен фудбал. Се играше гол за гол на двете страни. Екипата на Макстил како би ја анулирала предноста на Тиквеш од првото полувреме во своите редови внесе голман-играч, но Тиквеш одлично ја контролираше играта се до самиот крај и успеа да дојде до победа на овој натпревар од 8-6.