Тренерот Калиновски со тактички замисли го водеше ЈСП до победа над А1

А1 2-5(2-3) ЈСП
А1: Фати Јахи 17”, Јовица Наумовски 18”
ЈСП: Тихо Фидановски 8”, Дејан Блежевски 11”, Мартин Ливрински 13” 21”, Љупчо Павловиќ 26”

На самиот старт во дуелот помеѓу А1 и ЈСП, иницијативата ја превзеде екипата на ЈСП играјќи пресинг по целиот терен, успеа да дојде до отворени шански кон противничкиот гол кои ги реализираше и до средината на првото полувреме дојде до водств од 0-3. По ваквата игра екипата на А1 побара тајм-аут по што направи промена во техничко-тактичките замисли. Ова вроди со плод и екипата на А1 до крајот на полувремето успеа да ја анулира предноста и намали на 2-3.
Во второто полувреме екипата на ЈСП продолжи со добра игра. Уште на самиот старт на полувремето со два гола зголеми на 2-5. Екипата на А1 со голман играч се обиде да ја намали предноста и да се врати во натпреварот но ЈСП со чести измени држеше ритам во играта, не дозволи изненадување па на крајот славеше со победа од 2-5.