
Нетцетера 8-4 (3-1) Нелт Груп
Нетцетера: Ѓорѓи Марков 18’, 32’, 40’; Евгениј Костадинов 17’, 20’, 36’; Кирил Костов 35’; Александар Глигоров 22’
Нелт Груп: Александар Таневски 10’, 23’; Гоце Гоцевски 24’; Бојан Николовски 29’.
Динамично прво полувреме одиграа екипите на Нетцетера и Нелт Груп, кои влегоа силно мотивирани во дуелот, со јасна намера да стигнат до трите бода. Двете екипи настапија со цврста одбранбена поставеност, а своите шанси за реализација ги бараа преку грешките на противникот и брзите контранапади. Нелт Груп прва стигна до водство, откако Александар Таневски во 10. минута ја затресе противничката мрежа за 0-1. По примениот гол, Нетцетера ја зацврсти играта и започна со посилен притисок кон противничкиот гол, што резултираше со израмнување во 17. минута преку Евгениј Костадинов. Во самиот финиш на првото полувреме, Нетцетера успеа да постигне уште два гола, преку Ѓорѓи Марков и Костадинов, па на паузата замина со предност од 3-1. Во второто полувреме Нетцетера продолжи со одличната игра, а Александар Глигоров во 22. минута ја зголеми предноста на 4-1. Нелт Груп беше принуден да направи тактички промени, кои веднаш дадоа резултат. Со головите на Таневски во 23. и Гоцевски во 24. минута, Нелт Груп ја намали негативата на само еден гол (4-3). Овој налет им даде дополнителен мотив на гостите, кои во 29. минута преку Бојан Николовски успеаја да го израмнат резултатот на 4-4, најавувајќи неизвесна завршница. Сепак, во последните минути Нетцетера го искористи падот во играта на противникот и со серија одлични реализации ја презеде контролата врз натпреварот. Марков, Костов и Костадинов ја продолжија гол-серијата на својот тим, кој со уште четири погодоци во завршницата стигна до убедлива победа од 8-4.
Играч на натпреварот: Евгениј Костадинов (Нетцетера)