НЛБ Банка со одлично прво полувреме до убедлива победа над Македонија Осигурување

Македонија Осигурување 3-10(1-7) НЛБ Банка

Македонија Осигурување: Филип Манчевски 14’ Ангел Шојлев 23’ Кристијан Коцев 36’
НЛБ Банка: Пеце Даиловски 3’ 26’ Стефан Георгиев 4’ 12’ Филип Блажевски 6’ Стефан Спиркоски 7’ 31’ 33’ Михаил Брзанов 8’ Мирослав Јовановски 13.

Екипата на НЛБ Банка од самиот почеток на натпреварот наметна високо темпо на игра, што резултираше со рано водство. Уште во третата минута, Даиловски погоди за 0-1, а само една минута подоцна Георгиев ја удвои предноста на својата екипа. Македонија Осигурување во продолжение имаше проблеми во одбраната, а НЛБ Банка умешно ги казнуваше грешките на противникот. Со погодоците на Блажевски, Спиркоски, Брзанов, Георгиев и Јовановски, НЛБ Банка до 13. минута стигна до убедливи 0-7. Македонија Осигурување успеа да одговори преку Манчевски во 14. минута, кој го намали резултатот на 1-7. До крајот на првиот дел, НЛБ Банка ја задржа контролата врз играта и на полувремето замина со предност од шест голови. Во второто полувреме, Македонија Осигурување влезе поцврсто во натпреварот и ја затегна одбраната, не дозволувајќи му на противникот лесно да доаѓа до нови погодоци. Сепак, високата предност што НЛБ Банка ја стекна во првиот дел се покажа како недостижна. Даиловски во 26. минута повторно погоди за НЛБ Банка, а потоа следуваа и два гола на Спиркоски, со кои победникот практично беше решен. Македонија Осигурување преку Шојлев и Коцев успеа да намали, но НЛБ Банка до крајот го контролираше резултатот и заслужено славеше со убедливи 10-3.

Играч на натпреварот: Пеце Даиловски (НЛБ Банка)