Пожарна Скопје со тимска игра до победата над Нелт

Пожарна Скопје 6-1(3-1) Нелт

Пожарна Скопје: Ерџан Шерифовски 16’ 40’ Егзон Халими 9’ Александар Николовски 7’ 36’ Никола Малов 39’
Нелт: Никола Славковски 11’

Цврсто и динамично прво полувреме одиграа екипите на Пожарна Скопје и Нелт. Двете екипи уште од самиот почеток настапија офанзивно, создавајќи можности за погодок на двете страни. Пожарна Скопје прва го отвори резултатот во 7. минута преку Александар Николовски, кој донесе водство од 1-0. Само две минути подоцна, Егзон Халими ја затресе противничката мрежа за зголемување на предноста на 2-0. По двата примени гола, Нелт ги консолидираше своите редови и успеа да одговори преку Никола Славковски, кој во 11. минута ја намали негативата на 2-1. Сепак, Пожарна Скопје не дозволи противникот да го израмни резултатот, а во 16. минута Ерџан Шерифовски погоди за 3-1, резултат со кој се замина на паузата. Во второто полувреме, Нелт ја зацврсти играта во одбраната, а голманот Гоцевски со неколку одлични интервенции го спречуваше противникот да ја зголеми предноста. Сепак, Пожарна Скопје продолжи со организирана и тимска игра, а во завршницата успеа да ги искористи пропустите во одбраната на противникот. Александар Николовски, Никола Малов и Ерџан Шерифовски постигнаа дополнителни погодоци и ја потврдија убедливата победа на Пожарна Скопје со конечни 6-1.

Играч на натпреварот: Пепи Трајчевски (Пожарна Скопје)