Сигал Иншуренс Груп со пресврт до победата над Нетцетера

Нетцетера 1-2 (1-0) Сигал Иншуренс Груп

Нетцетера: Александар Глигоров 15’

Сигал Иншуренс Груп: Шабан Чупи 31’, Аднан Лимани 37’

Израмнето прво полувреме одиграа екипите на Нетцетера и Сигал Иншуренс Груп, кои уште од самиот почеток наметнаа високо темпо на игра. Двете екипи играа цврсто во одбраната и преку брзи транзиции се обидуваа да создадат можности за погодок, но голманите беа на висина на задачата и не дозволуваа лесни реализации. Нетцетера прва успеа да го отвори резултатот во 15. минута преку Александар Глигоров, кој донесе водство од 1-0. До крајот на првиот дел, Сигал Иншуренс Груп го засили притисокот и се обидуваше да стигне до израмнување, но не успеа да ја реализира својата иницијатива. Така, Нетцетера на паузата замина со минимална предност. Во второто полувреме, Нетцетера се најде во незавидна ситуација по повредата на голманот Ристовски, поради што беше принудена да игра со голман-играч. Сигал Иншуренс Груп ја искористи оваа ситуација и изврши силен притисок кон противничкиот гол. Напорите вродија со плод во 31. минута, кога Шабан Чупи погоди за израмнување на 1-1. Нетцетера се обидуваше да одговори на притисокот, но ослабена во одбраната тешко ги запираше нападите на противникот. Во 37. минута, Аднан Лимани ја искористи укажаната можност и го постигна победничкиот погодок за целосен пресврт и водство од 1-2. До крајот на натпреварот резултатот не се промени, па Сигал Иншуренс Груп ги освои трите бода по пресвртот во второто полувреме.

Играч на натпреварот: Аднан Лимани (Сигал Иншуренс Груп)