Во дерби натпревар А1 подобри од Матрикс

А1 3-2(2-2) Матрикс

А1: Мартин Ангеловски 5’ Јовица Наумовски 20’ Иле Никодиноски 30’
Матрикс: Ивица Алампиоски 14’ Тони Брњарчевски 7’

Првото полувреме од натпреварот помеѓу екипите на А1 и Матрикс се довиваше со исклучително динамичен фудбал. Двете екипи акцентот го имаа ставено на играта во нападот па од таму и брзата реализација во 5та минута кај екипата на А1 со одличниот погодок на Ангеловски, екипата на Матрикс успеа да возврати во 7та минута со погодокот на Брњарчевски за 1-1. Екипите продолжија со отворена игра со многу шанси за погодок, екипата на Матрикс успеа да искористи грешка во одбраната на А1 за целосен резултатски пресврт и резултат од 1-2. До крајот на полувремето екипата на А1 успеа да израмни на 2-2 резултат со кој се замина на паузата. Во второто полувреме и двете екипи заиграа нешто по агресивно пред се во делот на одбраната каде што можевме да ја видиме желбата за победа на двете страни. Екипата на А1 преку Никодиновски на средината од второто полувреме во 30та минута успеа да постигне гол и да дојде до повторно водство од 3-2. Екипата на Матрикс целосно се префрли во предно поле играјќи отворен фудбал се со цел да фати резултатски приклучок, но екипата на А1 го затвори пристапот до својот гол не дозволи изненадување и славеше со 3-2.