Гранит со сигурна игра до победа над Еуро Табак

Гранит 6-2(2-1) Еуро Табак

Гранит: Мики Стаојановски 9’ Никола Глигуровски 15’ Александар Димитриевски 21’ Дарко петров 24’ 29’ 33’
Еуро Табак: Мартин Ливрински 12’ Димитар Зафировски 39’

Возбудливо прво полувреме одиграа екипите на Гранит и Еуро Табак, уште на самиот старт двете екипи наметнаа високо темпо на игра и почнаа да се редат шанси за погодок на двете страни. Прва во водство дојде екипата на Гранит со погодокот на Стојановски во 9та минута. Неколку минути подоцна екипата на Еуро Табак возврати со погодокот на Ливрински за израмнување на 1-1. Кон средината на полувремето поточно во 15та минута екипата на гранит со прекрасниот погодок на Глигуровски успеа повторно да дојде до предност од 2-1. До крајот на полувремето екипата на Еуро Табак со сите сили се обидуваше да дојде до израмнување но не успеа во таа намера па на полувреме се замина со 2-1. На стартот на вториот дел екипата на Гранит успеа да постигне погодок и да го зголеми водството, овој погодок и даде силен мотив на екипата на Гранит да продолжи уште поагресивно кон голот на Еуро Табак и да воспостави целосна контрола врз играта во овој натпревар. Екипата на Еуро Табак беше со скратен состав и не успеа да пружи посилен отпор па го загуби овој натпревар со 6-2.