ЕЛЕМ на крилата на Петровски до победа над DHL

DHL 3-4(1-0) ЕЛЕМ

DHL: Филип Јовановски 12’ Мартин Каровски 21’ 26’
ЕЛЕМ: Влатко Петровски 26’ 28’ 35’ 37’

Интересно прво полувреме ни прикажаа екипите на DHL и ЕЛЕМ, двете екипи во овој натпревар влегоа со офанзивна игра по целиот терен. Екипата на ЕЛЕМ беше таа која на самиот старт беше истурена во нападот и се закануваше кон голот на противникот што DHL го искористи за преку контра напад и погодокот на Јовановски да дојде до водство од 1-0. До крајот на полувремето екипата на ЕЛЕМ се обидуваше да дојде до шанса за израмнување на резултатот но DHL одлично ја стегна играта во одбраната па до полувремето нивата мрежа мируваше. Полувреме 1-0. Во второто полувреме екипата на DHL продолжи со притисок во предно поле и одлична игра ова им овозможи да постигнат преку Каровски два гола со што дојдоа до предност од 3-0. Но тренерот на ЕЛЕМ Ристе Стефановски како голман играч во своите редови го внесе Петровски потег кој се покажа како клучен. Петровски одлично се снајде во улогата и со четири погодоци во низа направи целосен пресврт и му донесе водство на ЕЛЕМ од 3-4. До крајот на натпреварот екипата на ЕЛЕМ успеа да ја сочува предноста и славеше со 3-4.