Матрикс со цврста игра дојде до победа над Леар

Матрикс 2-0(1-0) Леар

Матрикс: Тони Брњарчевски 2’ 27’

Екипата на Матрикс имаше одличен почеток во дуелот со Леар, тие уште на самиот старт од полувремето во 2та минута успеаа да поведат со 1-0 со погодокот на Брњарчевски. По ова рано водство кај екипата на Матрикс екипата на Леар го подигаше темпото на игра и се почесто се закануваше кон голот на Матрикс. Сепак Матрикс одлично ја имаше поставено својата одбрана и користејќи го својот голман како голман играч успеваше да има брзи контра напади и да се заканува кон голот на противникот. До крајот на полувремето екипата на Леар не успеа да дојде до отворена шанса за гол па на паузата замина со негатива од еден гол. Во второто полувреме се продолжи со цврста и израмнета игра каде ниту една од екипите не успеа резултатски да се одвои. Екипата на Матрикс во 27та минута од полувремето со вториот погодок на Брњарчевски успеа да зголеми на 2-0. До крајот на натпреварот екипата на Леар вршеше константен притисок кон голот на Матрикс но изостануваше завршница. Екипата на Матрикс на крајот славеше со 2-0.