Пивара Скопје со цврста одбрана до сигурна победа над ЕВН

Пивара Скопје 3-1(2-0) ЕВН

Пивара Скопје: Марко Магденовски 1’ Делчо Кировски 2’ Влатко Трпковски 38’
ЕВН: Томи Илиевски 40’

Одличен старт на екипата на Пивара Скопје во дуелот со ЕВН тие уште на самиот старт од полувремето поточно во првата минута преку погодокот на Магденовски успеаа да поведат со 1-0. Ова им даде мотив за веќе во следниот напад да дојдат до зголемување на водството на 2-0. Екипата на ЕВН по ова рано водство на екипата на Пивара Скопје се префрли на противничка половина и вршеше константен притисок кон голот на противникот, но Пивара Скопје одлично ја постави својата одбрана и не дозволи изненадување. На полувремето се замина со резултатот од втората минута 2-0. Во второто полувреме екипата на ЕВН продолжи со притисокот кон голот на противникот но екипата на Пивара со чести измени ја одржуваше свежината во своите редови и го издржи притисокот. Во финишот од полувремето екипата на Пивара Скопје успеа да искористи грешка во одбраната на ЕВН и да го зголеми водството на 3-0. Во самата завршница од натпреварот екипата на ЕВН успеа да постигне утешителен погодок и да ја ублажи негативата на 3-1 резултат со кој заврши овој натпревар.