Пивара Скопје со цврста одбрана до сигурна победа над ЕЛЕМ

ЕЛЕМ 1-4(0-2) Пивара Скопје

ЕЛЕМ: Тихо Груевски 36’
Пивара Скопје: Марто Живиќ 23’ Влатко Трпковски 12’ 15’ Бобан Ристов 34’

Одлично прво полувреме ни прикажаа екипите на ЕЛЕМ и Пивара Скопје, двете екипи во ова полувреме влегоа со цврста игра и силна желба за бодовите. Двете екипи прикажаа тактички одлична игра со многу подавања чекајќи ја правата шанса за погодок. Во 12та минута од полувремето екипата на Пивара Скопје го отвори резултатот со погодокот на Трпковски и поведе со 0-1, ова ја примора екипата на ЕЛЕМ да се обиде со нешто поотворена и офанзивна игра да бара изедначување. Ваквата отворена игра на екипата на ЕЛЕМ ја искористи Пивара Скопје и преку брз контра напад успеа да ја зголеми разликата со вториот погодок на Трпковски за 0-2, резултат со кој се замина на паузата. Во второто полувреме екипата на Пивара Скопје повторно успеа да ја згоеми разликата и да дојде до солидна предност од 0-3. Екипата на ЕЛЕМ се префрли целосно на половината на Пивара Скопје со цел да дојде до отворена шанса за гол, но екипата на Пивара Скопје одлично ја постави играта во одбраната и го затвори пристапото до својот гол. Мора да напоменеме дека кај екипата на Пивара Скопје денеска блескаше и голманот Бобан Ристов кој одбрани се што екипата на ЕЛЕМ упати кон него. До крајот на натпреварот екипата на ЕЛЕМ искористи играч помалце кај екипата на Пивара за резултатски да се доближи но времето беше сојузник на Пивара која во овој дуел славеше со 1-4.