Уни Банка со тимска игра до победа над ЕЛЕМ

ЕЛЕМ 2-8(0-4) Уни Банка

ЕЛЕМ: Влатко Петровски 23’ Тихо Груевски 37’
Уни Банка: Марко Ташков 15’ 19’ Ненад Саздовски 27’ 30’ Кристијан Смилевски 20’ Бесар Абдули 4’ 34’ 40’

Интересно прво полувреме ни прикажаа екипите на ЕЛЕМ и Уни Банка, двете екипи во овој дуел влегоа со високо темпо на игра и мотивирани за победа. Екипата на Уни Банка го отвори резултатот во 4та минута и поведе со 0-1. По ова водство на екипата на Уни Банка екипата на ЕЛЕМ се префрли на противничка половина и вршеше константен притисок кон голот на Уни Банка но имаше слаба реализација, што Уни Банка го казни во 15та минута за водство од 0-2. До крајот на полувремето екипата на Уни Банка го издржа притисокот од екипата на ЕЛЕМ и преку брзи контра напади успеа да направи солидна предност од 0-4 резултат со кој се замина на паузата. На стартот на второто полувреме екипата на ЕЛЕМ во своите редови внесе голман играч што даде резултат и успеа да го намали водството на Уни Банка со одличен погодок на Петровски од далечина дојде до резултат од 1-4. Но екипата на Уни Банка продолжи со одлично темпо на игра и од минута во минута го зголемуваше водството за победа со конечни 2-8.