Ван Хоол со одлично прво полувреме до победа над Пивара Скопје

Пивара Скопје 5-8(0-5) Ван Хоол

Пивара Скопје: Бобан Ристов 23’ 33’ 37’ 38’ Влатко Трпковски 36’
Ван Хоол: Антонио Петровски 2’ 25’ Стефан Станојковиќ 3’ 29’ Димче Андов 10’ 20’ 35’ Андреј Наумовски 9’

Одличен старт за екипата на Ван Хоол во борбата со Пивара Скопје за продолжување на натпреварувањето и влез во завршниот турнир каде ќе го имаат ЈСП како противник. Екипата на Ван Хоол од самиот старт наметна високо темпо на игра и со два брзи погодоци на Петровски и Станојковиќ дојде до предност од 0-2. Во продолжението на полувремето екипата на Пивара Скопје се обидуваше со брзи транзиции да дојде до поволна позиција на намалување на водството на противникот, но Ван Хоол одлично ја постави играта во одбраната и не дозволуваше лесен продор. До крајот на полувремето екипата на Ван Хоол продолжи со одлична игра и од минута во минута го зголемуваше своето водство кое на паузата изнесуваше 0-5. Во второто полувреме екипата на Пивара Скопје направи измени во својот состав и почна подобро да и парира на екипата на Ван Хоол. Во нивните редови Бобан Ристов имаше одлична вечер и од минута во минута ја намалуваше предноста на Ван Хоол. За да во завршницата на натпреварот екипата на Пивара Скопје успеа да дојде до само три гола негатива. Сепак екипата на Ван Хоол ја имаше контролата врз играта и со високата предност од првото полувреме успеа да слави со 5-8.