Во дерби натпревар УНИКА подобри од Аџибадем Систина за влез во полуфинале

Аџибадем Систина 1-2(1-0) УНИКА

Аџибадем Систина: Дамјан Јовчевски 2’
УНИКА: Рилин Ајдини 29’ 31’

Одличен почеток на екипата на Аџибадем Систина во дуелот со УНИКА, тие на самиот старт од натпреварот искористија грешка во одбраната на УНИКА и уште во втората минута со погодокот на Јовчевски поведоа со 1-0. По ова рано водство девете екипи играа егал фудбал најмногу сконцентрирани на средината од теренот и својата шанса ја бараа на грешка на противникот. Екипата на УНИКА во остатокот од полувремето притисна кон голот на Систина, но тие одлично ја поставија играта во одбраната и не дозволија шанси за лесен погодок. До крајот на полувремето и двете екипи иако имаа одлични шанси не успеаа да реализираат па на паузата се замина со резултат од 1-0. Во второто полувреме екипата на УНИКА продолжи со притисок кон голот на Аџибадем Систина што вроди со плод во 29та минута кога Ајдини успеа да го израмни резултатот а само минута подоцна Ајдини повторно стрелаше за целосен резултатски пресврт и предност од 1-2. До крајот на натпреварот екипата на Систина вршеше силен пресинг кон голот на УНИКА но тие ги затворија сите пристапи кон својот гол и со цврста одбрана успеаа да се одбранат и на крај да слават со 1-2.