Во дерби натпревар Халк Банка славеше над LC Waikiki

LC Waikiki 3-4(1-3) Халк Банка

LC Waikiki: Мустафа Мустафа 21’ Фуркан Фетраи 14’ Есер Сулејмани 22’
Халк Банка: Влатко Блажевски 18’ Алпер Тахир 3’ Мартин Дамевски 26’ Дејан Петкоски 3’

Одличен почеток на екипата на Халк Банка во дуелот со LC Waikiki, тие од самиот почеток на натпреварот наметнаа високо темпо на игра што им донесе рано водство од 2-0 уште во 3та минута преку погодоците на Тахир и Петкоски. Екипата на LC Waikiki по оваа негатива започна со поофанзивна игра што им донесе неколку одлични шанси за реализација но изостануваше завршницата. Во 14та минута LC Waikiki конечно успеа со одличен погодок на Фетаи од средината на теренот да ја скрши одбраната на Халк Банка и да ја намали резултатската негатива на само еден гол негатива 1-2. До крајот на полувремето екипата на Халк Банка со погодокот Блажевски успеа повторно да ја зголеми разликата и на паузата да замине со предност од 1-3. На самиот старт на второто полувреме екипата на LC Waikiki имаше одличен почеток и со два погодоци во низа на Сулејмани и Мустафа успеа да дојде до израмнување на резултатот и да ја направи втората половина од овој натпревар вистинска драма. Во ваквото драматично второ полувреме двете екипи играа на исто ниво и имаше одлични шанси на двете страни. Екипата на Халк Банка успеа во 26та минута со погодокот на Дамевски да дојде до повторно водство, ова ја примора екипата на LC Waikiki да направи тактички измени во својот состав и силно да притисне кон голот на противникот. Екипата на Халк Банка успеа да ја сочува предноста го издржа високиот притисок кој екипата на LC Waikiki го наметна и на крајот од овој дуел Халк славеше со 3-4.