Лукоил со одлично прво полувреме до победа над А1

Лукоил 2-0(2-0) А1

Лукоил: Лоренцо Николовски 6’ Петар Лефков 16’

Одличен почеток на екипата на Лукоил во дуелот со А1, од почетокот на натпреварот одлично ја поставија својата игра што им донесе рано водство во 6та минута од полувремето со погодокот на Николовски. По ова водство на Лукоил екипата на А1 го подигна темпото на игра и успеа во неколку наврати одлично да се закани но голманот на Лукоил беше на ниво на задачата па неговата мрежа мируваше. До крајот на полувремето екипата на А1 притискаше со цел да дојде до израмнување но Лукоил ги користеше брзите контра напади за да дојде до зголемување на водството на 2-0 со погодок на Лефков во 16та минута резултат со кој се замина на полувремето. Во второто полувреме се играше цврста одбрана и на двете страни и двете екипи одлично ги затвараа приодите кон противничкиот гол па така тешко се доаѓаше до отворена шанса за гол. И на двете страни екипите преку контра напади се обидуваа да го изненадат противничкиот голман но не успеваа во тоа па на крајот натпреварот заврши со резултатот кој беше поставен на полувремето 2-0 во корист на Лукоил.