Макпетрол преку контра напади до победа над ЕЛЕМ и влез во полуфинале

Макпетрол 6-1(3-1) ЕЛЕМ

Макпетрол: Мишо Ѓоргиовски 15’ 40’ Горан Новаковски 2’ 32’ Никола Секулоски 5’ 38’
ЕЛЕМ: Тихо Груевски 13’

Екипите на Макпетрол и ЕЛЕМ го започнаа натпреварот со цврста и динамична игра, екипата на Макпетрол во раната фаза на полувремето со погодоци на Новаковски во 2та минута и Секулоски во 5та минута успеа да направи предност од 2-0. Ова ја примора екипата на ЕЛЕМ да започне со нешто поофанзивна игра и да притисне кон голот на Макпетрол ваквата игра им донесе многу шанси но голманот на Макпетрол беше на ниво на задачата и одлично успеваше да ја одбрани својата мрежа се до 13та минута од полувремето кога Груевски успеа да ја скрши одбраната на Макпетрол и да намали на 2-1. Сепак до крајот на полувремето екипата на Макпетрол имаше подобра контрола врз топката па со погодокот на Ѓоргиоски успеа да замине со предност од 3-1 на паузата. Во второто полувреме се продолжи со цврста игра на раб на фаул екипата на ЕЛЕМ се обидуваше да дојде до намалување на негативата но Макпетрол одлично ја постави играта во одбраната а преку брзи контра напади го зголемуваше водството кое со погодоците на Ѓоргиоски и Новаковски до крајот на натпреварот изнесуваше 6-1