Мартин Дамевски со два гола во финишот и донесе победа на Халк Банка над Атлантик Груп
Халк Банка 6-3(3-3) Атлантик Груп
Халк Банка: Дарко Крстевски 17’ Алпер Тахир 9’ Мартин Дамевски 36’ 39’ Дејан Петковски 13’ 38’
Атлантик Груп: Мирослав тодоровски 17’ Бојан Петковски 20’ 20’
Екипите на Халк Банка и Атлантик груп претпазливо го започнаа првото полувреме, со игра на средината на теренот и точни додавања чекаа на грешка на противникот за да дојдат до отворена шанса за погодок. Како одминуваше времето така се подигаше и темпото на игра, екипата на Халк Банка прва го отвори резултатот во средината на полувремето со погодокот на Тахир, на негому се приклучи и Петковски само две минути подоцна за водство од 2-0. Екипата на Атлантик со брз конра напад успеа да намали на 2-1, но сепак Халк Банка имаше брз одговор и успеа да зголеми на 3-1. Сепак во финишот на полувремето кај екипата на Атлантик Груп блесна Петковски кој со два погодоци во низа успеа да го израмни резултатот на 3-3 резултат со кој се замина на полувремето. Во второто полувреме се продолжи со цврст и израмнет фудбал двете екипи имаа одлични шанси за реализација но голманите не дозволуваа лесни погодоци. Во втората половина од второто полувреме кај екипата на Халк Банка одличен беше Дамевски кој со два погодоци ја зголеми предноста на Халк Банка. Екипата на Атлантик Груп се обиде со голман играч да се врати во натпреварот но немаше успех во тоа па на крајот Халк Банка славеше со 6-3.
