Осврт на дванесетото коло од Бизнис Лигата на Македонија

Екипата на Уника со одлична игра до висока победа над Гранит
Екипата на Гранит имаше одличен почеток во дуелот со Уника со два погодоци во раната фаза од полувремето, 0-2 во 3та минута. Како одминуваше времето екипата на Уника започна со својата препознатлива игра со многу комбинаторика што вроди со плод кон средината на полувремето за целосен резултатски пресврт 3-2. До крајот на полувремето екипата на Уника успеа да ја задржи добрата серија и на полувремето да замине со предност од 6-3. На стартот од второто полувреме екипата на Уника успеа да постигне два брзи погодоци и да го зголеми и така високото водство од полувремето. Екипата на Гранит со сите сили се обидуваше да го намали високото водство но не успеа во таа намера, екипата на Уника со одлична игра и во фаза на напад и одбрана го доби овој натпревар со високи 10-4

Стрелци на головите беа:
Уника: Арбен Нухиу 17’ 18’ 23’ 29’ Шабан Чупи 20’ 37’ Бенјамин Граинца 10’ 12’ Васко Кокаланов 8’ Даниел Стојковски 29’ 36’
Гранит: Дарко Петров 40’ Дарко Стојановски 3’ Сашо Каровски – Џуме 2’ 13’

Македонски Телеком со рутинирана игра до победа над Сава Осигурување
Првото полувреме во дуелот помеѓу Македонски Телеком и Сава Осигурување и припадна на екипата на Телеком која уште на самиот старт ја превзеде иницијативата и со погодок во 2та минута го отвори резултатот. Во ова прво полувреме екипата на Телеком во своите редови го имаше расположениот Наскоски кој успеа да постигне 3 погодоци за водство од 3-0 до 16та минута. Екипата на Сава Осигурување со сите сили се обидуваше да го намали водството и да фати резултатски приклучок но во ова прво полувреме не успеваше да ја пронајде својата игра. Полувреме 3-0. Во второто полувреме екипата на Сава осигурување направи промена на тактиката и во игра внесе голман играч со што успеа да се доближи до еден гол негатива, но таквата отворена игра ја направи нивната одбрана ранлива па екипата на Телеком знаеше тоа да го искористи за победа на овој дуел со резултат 5-2

Стрелци на головите беа:
Македонски Телеком: Агрон Пацоли 37’ Стефан Насков 2’ 6’ 16’ Марко Магдаленовски 36’
Сава Осигурување: Коста Глигуровски 31’ Данило Апостоловски 34’

Фабрика Карпош со погодок во последната минута до бодовите во дуелот со Систина
Првиот дел од полувремето во дуелот помеѓу Фабрика Карпош и Аџибадем Систина помина во мирен ритам на игра, без многу шанси за погодок и двете екипи беа претпазливи , нивните играчи се обидуваа со соло акции и удари од далечина да направат нешто повеќе. Кон крајот на полувремето поточно 16та минута екипата на Фабрика Карпош – ГИМ успеа да реализира еден одличен контра напад за водство од 1-0.До крајот на полувремето екипата на Фабрика Карпош успеа да постигне уште еден гол и на паузата да замине со предност од 2-0. На стартот на второто полувреме екипата на Систина за само три минути успеа да постигне три погодоци и да направи целосен резултатски пресврт. Екипите наизменично се менуваа во водството па во последните минути се влезе во неизвесна завршница во која екипата на Фабрика Карпош со гол во последната минута успеа да го добие натпреварот со резултат од 7-6.

Стрелци на головите беа:
Фабрика Карпош –ГИМ: Игор Николовски 39’ Кристијан Панев 16’ 25’ Георги Божиков 29’ 31’ 40’ Бејан Моукоч 19’
Аџибадем Систина: Далибор Дамјановиќ 24’ Кристијан Димковски 22’ 22’ 35’ 38’ Никола Малјановски 32

Вип со цврста одбрана и брз напад до победа над Уни Банка
Екипата на Вип имаше одличен старт во дуелот со екипата на Уни Банка, на стартот на натпреварот во првата минута екипата на Вип го отвори резултатот со одличниот погодок на Спасевски. Овој рано примен погодок ја шокираше екипата на Уни Банка па до 11та минута примија уште три погодоци за високо водство на екипата на Вип од 0-4 До крајот на полувремето екипата на Уни Банка успеа да постигне погодок и да го намали високото водство на Вип на 1-4 на полувремето. На стартот на вториот дел екипата на Уни Банка се префрли во противничко поле и вршеше жесток притисок кон голот на Вип со цел да фати резултатски приклучок, но екипата на Вип одлично ја постави својата одбрана и имаше целосна контрола врз играта и резултатот и не дозволи изненадување па го доби овој натпревар со 2-6.

Стрелци на головите беа:
Уни Банка: Александар Кузинаков 24’ Ивица Орозовски 20’
Вип: Мартин Ангеловски 36’ Мартин Тодоровски 10’ 11’ 35’ Никола Спасевски 1’ 4’

Џонсон Мети со сигурна игра до победа над Окта
Екипата на Џонсон Мети одлично го започна натпреварот против Окта, екипата на Џонсон Мети уште на самиот старт односно во 2та минута успеа да постигне погодок и да го отвори резултатот на 0-1. Екипата на Окта се префрли на противничко поле и вршеше притисок кон голот на Џонсон Мети, ваквата агресивна игра им донесе израмнување во 8та минута. До крајот на полувремето екипата на Џонсон Мети имаше повеќе од играта и успеа да го добие ова полувреме со резултат од 1-3. Во второто полувреме екипата на Окта со голман играч во фаза на напад се обидуваше да створи вишок како би постигнале погодок и да фатат резултатски приклучок, но екипата на Џонсон Мети со сигурна игра во нападот и одбраната не остави многу простор за игра и го доби овој натпревар со високи 3-9.

Стрелци на головите беа:
Окта: Драганче Стојановски 38’ Живко Котевски 8’ Душан Босиљанов 26’
Џонсон Мети: Христијан Стојановски 31’ Бојан Дејановски 14’ 23’ 24’ 26’ 35’ Благоја Божиновски 2’ 20’ Бобан Ристов 29’

ЕЛЕМ со одлично второ полувреме до победа над Пекабеско
Првиот дел од натпреварот помеѓу ЕЛЕМ и Пекабеско одмина во жестока борба по целиот терен, двете екипи на самиот старт наметнаа високо темпо на игра со многу шанси и на двете страни и слаба реализација. Како одминуваше времето екипата на ЕЛЕМ ја превзеде иницијативата, имаше повеќе од играта што им донесе водство 14та минута. До крајот на полувремето екипата на Пекабеско се обидуваше да постигне гол за израмнување но не успеа во таа намера па на полувремето се замина со резултатот од 14та минута 1-0. Во второто полувреме екипата на Пекабеско со сите сили се обидуваше да дојде до израмнување фрли се на една карта и тргна во нападот, таквата офанзивна игра ја направи нивната одбрана ранлива а екипата на ЕЛЕМ преку контра напди успеваше да ги казни. На крајот овој натпревар заврши во корист ЕЛЕМ и резултат од 4-0.

Стрелци на головите беа:
ЕЛЕМ: Ристо Стефановски 14’ 38’ Ивица Апостоловски 40’ Реџепи 39’

Младеновски со хет-трик во првите три минути ја најави победата на Еуро Табак
Екипата на Еуро Табак одлично го започна натпреварот против LC Waikiki, денеска расположениот за игра Младеновски успеа да реализира хет трик веќе во третата минута и да и донесе висока предност на својата екипа уште на самиот старт. Оваа негатива ја шокираше екипата на LC Waikiki која не успеваше ова полувреме да ја пронајде својата игра, затоа пак екипата на Еуро Табак со одлична игра го доби ова полувреме со резултат од 6-1. На стартот од вториот дел екипата на LC Waikiki се префрли на противничко поле вршејќи притисок со цел да ја намали високата негатива од полувремето, но екипата на Еуро Табак одлично ја постави својата игра во одбраната и дго доби овој натпревар со 7-3

Стрелци на головите беа:
Еуро Табак: Никола Зафировски 20’ Дејан Јанковски 38’ Дејан Младеновски 1’ 2’ 3’ 10’ Мартин Ливрински 8’
LC Waikiki: Алојз Перхај 39’ Енес Ариф 18’ 32’

Рамстор го сочува водството од полувремето и го доби дуелот со ЈСП
Динамично прво полувреме одиграа екипите на ЈСП и Рамстор, уште на самиот старт двете екипи започнаа со офанзивна игра што донесе многу шанси за гол и на двете страни. Во ова прво полувреме екипата на Рамстор имаше повеќе од играта и покажа одлична реализација па на полувремето замина со висока предност од 1-6. Екипата на ЈСП со сите сили се обидуваше да фати резултатски приклучок со чести ротации на играчи, но екипата на Рамстор одлично ја постави играта во одбраната и не и остави многу простор за игра на екипата на ЈСП и го доби овој натпревар со високи 10-5.

Стрелци на головите беа:
ЈСП: Марјан Србиновски 24′ Даниел Антовски 27′ 31′ 38′ Сабит Хусеини 16′
Рамстор: Фуркан Муртезан 4′ Елдин Бихорац 17′ 18′ Хурјед Шаќири 9′ Азрет Абаз 10′ 30′ Ведат Арслан 14′ 29′ 38′ 40′

Матрикс убедлив во дуелот со МЕПСО
Првиот дел од натпреварот во целост и припадна на екипата на Матрикс која уште на самиот старт наметна високо темпо на игра за кое екипата на МЕПСО не успеа да најде против игра. Во 3та минута Брњарчевски го отвори резултатот со водство од 1-0, неколку минути подоцна уште еден погодок за екипата на Матрикс и комотно водство уште во раната фаза. До крајот на полувремето екипата на Матрикс со одлична игра од минута во минута само го зголемуваше водството за високи 6-1 на полувремето. На стартот од вториот дел екипата на МЕПСО се префрли на противничко поле вршејќи силен притисок кон голот на Матрикс и со сите сили се обидуваше да се врати во натпреварот . Но екипата на Матрикс со одлична игра во одбраната и нападот не и дозволи на екипата на МЕПСО да стори нешто повеќе па го доби овој натпревар со високи 12-3

Стрелци на головите беа:
Матрикс: Дарко Цветковски 9′ Антонио Богдановски 6′ 30′ Драган Брњарчевски 3′ 11′ 22′ 36′ 37′ Петре Даиловски 31′ Симеон Коцевски 17′ Ивица Алампиоски 5′ 40′
МЕПСО: Зоран Деспотовски 20′ Диме Рошкоски 6′ 37′

Одличен перформанс на Макпетрол во дуелот со Алкалоид
Возбудливо прво полувреме ни приредија екипите на Алкалоид и Макпетрол, уште на самиот почеток на натпреварот двете екипи започнаа со жестока борба на секој дел од теренот. Екипата на Макпетрол го отвори резултатот во 6та минута со одличниот погодок на Стојковски, минута подоцна екипата на Алкалоид возврати преку Ристевски за израмнување на резултатот на 1-1. До крајот на полувремето екипата на Макпетрол имаше повеќе од играта па на полувремето замина со предност од 1-3. Во второто полувреме екипата на Алкалоид со сите сили се обидуваше да дојде до израмнување, но денес расположената за игра екипа на Макпетрол не дозволи никакво изненадување до крајот на натпреварот ја имаше под контрола играта и резултатот па го доби овој натпревар со 2-9.

Стрелци на головите беа:
Алкалоид: Дарко Стефковски 36′ Даниел Ристевски 7′
Макпетрол: Бенер Бекировски 39′ Мишо Ѓоргиевски 14′ 30′ Марко костенцовски 27′ 38′ 40′ Игор Стојковски 6′ 12′ Горан Костенцовски 33′

Ова коло се истакнаа следните поедници:

– Бојан Дејановски (Џонсон Мети) 5 гола
– Драган Брњарчевски (Матрикс) 5 гола
– Кристијан Димковски (Аџибадем Систина) 4 гола
– Дејан Младеновски (Еуро Табак) 4 гола
– Георги Божиков (Фабрика Карпош) 3 гола

Allround играчи кои погодуваа во клучни моменти, асистираа до своите соиграчи кога беше најпотребно и допринесоа за подигање на моралот во екипата во ова коло беа:
Мартин Тодоровски (Вип), Арбен Нухиу (Уника), Наумче Бадаловски (ЕВН), Лоренцо Николовски (Лукоил), Стефан Насковски (Македонски Телеком), Ведат Арслан (Рамстор), Марко Костенцовски (Макпетрол)

Екипа на колото: Вип
Тренер на колото: Васко Стефанов (Лукоил)
Голман на колото: Горан Манасиевски (Матрикс)