Осврт на деветнаесетото коло од Бизнис Лигата на Македонија

Во рамките на деветнаесетото коло од Бизнис Лигата на Македонија беа одиграни девет натпревари полни со пресврти, изненадување и прекрасни погодоци

Во првиот натпревар силите ги одмерија екипите на ЕЛЕМ и Уни Банка
Израмнето прво полувреме одиграа екипите на ЕЛЕМ и Уни Банка, првиот дел од полувремето и припадна на екипата на ЕЛЕМ која со погодоци во 4та и 8та минута се стекна со водство од 2-0. Како одминуваше времето екипата на Уни Банка го зголемуваше притисокот кон противничкиот гол па во последните минути од полувремето успеа да да постигне три погодоци и да направи целосен резултатски пресврт и предност од 2-3 на полувремето. Во второто полувреме екипата на ЕЛЕМ ја превзеде иницијативата и се префрли на противничката половина што резултираше со погодоци во 28та и 29та минута за повторно да го превземе водството на овој натпревар. Екипата на Уни Банка не се откажуваше лесно од овој натпревар па во 30та минута со оличниот погодок на својот голман успеа да дојде до израмнување. Последните минути од натпреварот беа вистинска драма во која голманот на екипата на ЕЛЕМ Петровски со прекрасен погодок успеа да и ја донесе победата на екипата на ЕЛЕМ со 8-5.

Стрелци на головите беа:
ЕЛЕМ: Ристо Стефановски 4’ Ивица Апостоловски 29’ 35’ Златко Станковски 40’ Влатко Петровски 28’ 39’ 40’ Александар Бокан 40’
Уни Банка: Ангел Петков 20’ Александар Кузинаков 36’ Ивица Орозовски 16’ 19’ Ненад 32’

Аџибадем Систина со одличен финиш дојде до бодовите во дуелот со L.C. Waikiki
Интересно прво полувреме одиграа екипите на Аџибадем Систина и L.C. Waikiki, првиот дел од полувремето и припадна на екипата на L.C. Waikiki која со погодоците на Дрпљанин во 7та и 12та минута се стекнаа со водство од 0-2. По ова екипата на Аџибадем Систина започна со поагресивна игра и тргна по израмнување, тие успеаа да створат неколку шанси за погодок но имаа слаба реализација па на полувреме екипата на L.C. Waikiki замина со предност од 0-2. Во второто полувреме екипата на Аџибадем Ситина влезе многу помотивирано и кон средината на полувремето успеа да постигне три погодоци за само две минути и успеа да направи целосен резултатски пресврт , по ова свој одличен период имаше екипата на L.C. Waikiki која тргна шестоко кон голот на Систина успеа да реализира и да дојде до израмнување на 5-5. Во финишот од натпреварот екипата на Систина успеа да искористи грешка во одбраната на L.C. Waikiki и преку два гола на Дамјановиќ успеа да го добие овој дуел со 7-5.

Стрелци на головите беа:
Аџибадем Систина: Далибор Дамјановски 27’ 39’ 40’ Игор Ѓорѓиевски 31’ Кристијан Димовски 27’ Мирослав Неделковски 26’ Никола Трајковски 31’
L.C. Waikiki: Армин Дрпљанин 7’ 12’ Едит Салковиќ 25’ 26’ 36’

МЕПСО преку Рошкоски дојде до победа над Искрател Груп
Екипата на МЕПСО одлично го отвори дуелот со Искрател Груп со погодок уште во првата минута, по ова следуваше брз одговор на екипата на Искрател Груп и израмнување на резултатот на 1-1а со погодокот на Иванов во 5та минута успеа да дојде до целосен пресврт. Екипата на МЕПСО со вториот гол на Рошковски во 7та минута успеа да дојде до израмнување, како се ближеше крајот на полувремето и се очекуваше дека ова полувреме ќе заврши со реми во 18та минута погоди Иванов за предност од 3-2 резултат со кој се замина на полувремето. На стартот на второто полувреме екипата на МЕСПО успеа да постигне погодок и по трет пад во овој дуел да имаме израмнет резултат, во останатиот дел од натпреварот двете екипи имаа свои одлични периоди на игра и успеаа да постигнат уште по еден погодок за резултат ‘егал’ и неизвесна завршница. Во таквата завршница екипата на МЕПСО успеа да ги однесе бодовите со резултат од 5-11.

Стрелци на головите беа:
Искрател Груп: Ратко Иванов 2’ 5’ 18’ 32’ Никола Велевски 24’
МЕПСО: Александар Јоксимовски 26’ 38’Борис Трајковски 24’ Диме Рошкоски 1’ 7’ 22’ 35’ 37’ 38’ 39’ 40’

Македонски Телеком со одлично прво полувреме до победа над ЈСП
Одличен сатрт за екипата на ЈСП со погодок во првата минута, по ова рано водство за екипата на ЈСП екипата на Македонски Телеком се префрли на противничко поле и одигра перфектни 3 минути во кои успеа да постигне 4 погодоци за целосен пресврт и водство од 1-4. До крајот на полувремето екипата на ЈСП со сите сили се обидуваше да ја стопи високата предност на Македонски Телеком но телеком со одлична игра не дозволи изненадување па на полувремето замина со предност од 2-5. Во второто полувреме се продолжи со висок ритам на игра во кое екипата на ЈСП беше таа која притискаше кон голот на Телеком со цел да го намали високото водство што и успеа во 28та минута и им даде дополнителен мотив да атакуваат на целосно израмнување. Екиипата на Телеком одлично ја постави играта во одбраната и не дозволи екипата на ЈСП да се закани, а преку контра напади го зголеми водството за победа во овој дуел со 3-6.

Стрелци на головите беа:
ЈСП: Гоце Крстевски 1’ 19’ Сабит Хусеини 28’
Македонски Телеком: Марко Магдаленовски 2’ 3’ 5’ Стефан Насков 3’ Михајло Лазаревскин 18’ 38’

Драги Стојанов инспирација за целосен пресвр на ЕВН во дуелот со Алкалоид
Првиот дел од полувремето и припадна на екипата на Алкалоид која со погодоци во 1та и 4та минута успеа да ја превземе предноста, по оваа негатива екипата на ЕВН се префрли на противничката половина обидувајчи се да дојде до израмнување. Екипата на ЕВН успеа да постигне погодок во 9та минута и да фати резултатски приклучок и да го направи остатокот од полувремето поинтересен. Сепак екипата на Алкалоид со сигурна игра во одбраната не и остави многу простор на екипата на ЕВН за игра па на полувремето замина со предност од 2-1. Во второто полувреме екипата на ЕВН фрли се на една карта и тргна во целосна офанзива, тие успеаа кон средината на полувремето да дојдат до израмнување на 3-3, а неколку минути подоцна со вториот гол на Илиевски до целосен пресврт. До крајот на натпреварот екипата на ЕВН имаше повеќе од играта и своите шанси успеа да ги претвори во погодоци за победа на овој натпревар со резултат од 3-7.

Стрелци на головите беа:
Алкалоид: Стефан Димовски 1’ 23’ Дениз Салковиќ 4’
ЕВН: Вилијам Митев 32’ 37’ 39’ Илија Мандаров 37’ Томи Илиевски 9’ 33’ Ајте Новобрдарија 32’

Макпетрол со цврста одбрана и ефикасен напад до победа над Гранит
Екипата на Гранит одлично го отвори натпреварот против Макпетрол, во 2та минута се стекнаа со предност од 2-0. Неколку минути подоцна одговори екипата на Макпетрол која во 7та минута успеа да дојде до израмнување од 2-2. Овие воведни минути од натпреварот беа најава за ефикасно полувреме во кое поуспешна беше екипата на Макпетрол која го доби полувремето со резултат од 3-6. Во второто полувреме се продолжи со жестока борба на секоја педа од теренот во рамките на фер плејот. Екипата на Гранит и покрај сите обиди да дојде до поволен резултат не успеа да најде против игра за денес одличната екипа на Макпетрол која со цврста одбрана и ефикасен напад успеа да извојува победа од 6-8.

Стрелци на головите беа:
Гранит: Дарко Петров 8’ Сашо Каровски – Џуме 2’ 30’ 31’ 40’ Пепи Мицев 2’
Макпетрол: Ибраим Исмаили 16’ Мишо Ѓоргиевски 11’ 16’ Благоја Лолевски 17’ Игор Стојков 6’ 23’ Александар Мишоски 7’ 30’

Во дожд од голови Лукоил поуспешни од Пекабеско
Одличен старт на екипата на Лукоил во дуелот со Пекабеско, Лукоил со погодок уште во првата минута успеа да го отвори резултатот. По овој погодок на Лукоил следеше брз одговор на екипата на Пекабеско која искористи грешка во одбраната на Лукоил за израмнување на 1-1. По овие воведни минути екипата на Лукоил ја превзеде иницијативата и успеа да постигне два погодоци за неколку минути за повторно водство во ова полувреме. Сепак екипата на Пекабеско не се предаваше и кон средината на полувремето во 14та минута дојде до повторно израмнување на 4-4. До крајот на полувремето двете екипи ни прикажаа одличен фудбал но Лукоил беше таа која која ја имаше предноста на полувремето со 6-5. Во второто полувреме се продолжи со отворен стил на игра се редеа шанси за гол и на двете страни. Екипата на Лукоил успеваше да одолее и покрај жестокиот притисок на пекабеско кој успеа да дојде на 2 гола негатива но немаше доволно сили да стори нешто повеќе. На крајот сепак пресуди искуството и долгата клупа на екипата на Лукоил која го доби овој натпревар со 10-8.

Стрелци на головите беа:
Лукоил:Маријан Цветковски 2’ Дејан Зиков 19’ 20’ 22’ 37’ Васко Стефанов 13’ Мартин Алаѓозовски 11’ 34’ Антонио Фенов 6’ 22’
Пекабеско: Бобан Вујиќ 9’ 20’ Слободан Игнатов 14’ Ѓоре Бочваров 15’ Стефан Благојевски 3’ 25’ Стефче Стојановски 38’ 40’

Сава Осигурување сигурни во дуелот со Окта
Првиот дел од полувремето во дуелот помеѓу екипите на Окта и Сава Осигурување, помина во мирен ритам без многу шанси за гол и на двете страни. Како одминуваше времето екипата на Сава Осигурување го зголемуваше темпото на игра и успеаа да створат неколку шанси за погодок што вроди со плод во 10та минута со голот на Илиевски за водство од 0-1. По ова екипата на Окта започна со поагресивна игра вршејќи притисок кон голот на Сава Осигурвање, тие успеаа да створат неколку шанси за погодок но не успеаа да реализираат па на полувреме екипата на Сава Осигурување замина со предноста од 10та минута. Во второто полувреме екипата на Окта продолжи со притисок кон голот на Сава Осигурување, се обидуваше со чести ротации на играчи да створи чисти шанси за погодок но екипата на Сава осигурување со одлично поставена игра во одбраната не и остави простор за игра на екипата на Окта а преку контра напад во 28та минута ја казни за водство од 0-2. До крајот на натпреварот екипата на Сава Осигурување успеа да реализира уште еден гол за победа од 0-3

Стрелци на головите беа:
Сава Осигурување: Трајче Илиевски 10’ 28’ Дарко Црвенковски 39’

Фарбика Карпош – ГИМ со одлично второ полувреме до победа над Вип
Прво полувреме исполнето со многу борба по целиот терен ни прикажаа екипите на Фарбика Карпош – ГИМ и Вип, двата тима влегоа претпазливи во овој натпревар и повеќе се фокусираа на одбрана на својот гол отколку на нападот. Двете екипи успеаа да креираат по некоја шанса за погодок но двата голмани со одлични интервенции ги сочуваа своите мрежи. Кога се очекуваше на полувреме да се замине без голови Панев со погодок во 18та минута за водство од 1-0 за Фарбика Карпош – ГИМ, следуваше брз одговор од Вип и веќе следната минута Дојчинов израмни на 1-1 резултат со кој се замина на полувремето. Во второто полувреме се продолжи во висок ритам на игра, екипата на Фарбика Карпош – ГИМ со голот на Божиков во 25та минута успеа да го превземе водството, следната минута стрелаше Ангеловски за израмнување на 2-2. Екипата на Фарбика Карпош – ГИМ повторно го превзема водството со вториот гол на Панев во 27та минута, па последните минути од натпреварот беа вистинска бркотница. Екипата на Вип со сите сили се обидуваше да дојде до реми во овој натпревар но екипата на Фарбика Карпош – ГИМ не дозволи изненадување па ги однесе бодовите со резултат од 3-2.

Стрелци на головите беа:
Фабрика Карпош – ГИМ: Кристијан Панев 18’ 27’ Александар Божиков 25’
Вип: Мартин Ангеловски 26’ Васко Дојчинов 19’

Ова коло се истакнаа следните поедници:
– Диме Рошковски (Мепсо) 8 гола
– Дејан Зиков (Лукоил) 4 гола
– Сашо Каровски (Гранит) 4 гола
– Далибор Дамјановиќ (Аџибадем Систина) 3 гола
– Вилијам Митев (ЕВН) 3 гола

Allround играчи кои погодуваа во клучни моменти, асистираа до своите соиграчи кога беше најпотребно и допринесоа за подигање на моралот во екипата во ова коло беа: Ратко Иванов (Искрател Груп), Едит Салковиќ (L.C. Waikiki), Марко Магеновски (Македонски Телеком), Влатко Петровски (ЕЛЕМ), Антонио Фенов (Лукоил), Михајло Лазаревски (македонски Телеком)

Екипа на колото: МЕПСО
Тренер на колото: Агрон Пацоли (Македонски Телеком)
Голман на колото: Дарко Црвенковски (Сава Осигурување)