Осврт на деветото коло од Бизнис Лигата на Македонија

Во рамките на деветото коло беа одирани 13 прекрасни натпревари, во првиот натпревар

Ван Хоол беа сигурни во дуелот со Џојсон Сејфти Системс

Деветото коло од Бизнис Лигата на Македонија го отворија екипите на Џојсон Сејфти Системс и Ван Хоол, Џојсон Сејти Системс го постигна најбрзиот погодок во оваа сезона и за само 16 секунди дојде до предност од 1-0. Ван Хоол имаше брз одговор и уште во истата минута дојде до израмнување од 1-1. Израмнувачкиот гол на екипата на Ван Хоол им даде ветер во грб па продолжи со агресивна игра и силен притисок кон голот на Џојсон Сејфти Системс па во 14та минута веќе имаше високо водство од 1-5. До крајот на полувремето Екипата на Џојсон Сејфти Системс се обидуваше да фати резултатски приклучок но не успеа во тоа па на паузата се замина со резултат од 1-6 во корист на Ван Хоол. Во второто полувреме екипата на Џојсон Сејфти Системс со сите сили се обидуваше да ја намали високата предност на Ван Хоол од полувремето, направи промена во тактиката внесувајќи во игра голман играч но екипата на Ван Хоол одлично ја постваи својата одбрана и ги затвори сите приоди кон својот гол. До крајот на натпреварот екипата на Ван Хоол успеа да го зголемат водството и да го добијат овој натпревар со 2-8.

Стрелци на головите беа:
Џојсон Сејфти Системс: Марко ДИмовски 1’ Борче Аргиловски 27’
Ван Хоол: Антонио Петровски 4’ Даниел Стаменковски 19’ 32’ Ненад Саздовски 39’ Филип Белчовски 1’ 9’ 14’ Христијан Павловски 12’

А1 со тимска игра до победа над Лукоил

Возбуливо прво полувреме одиграа екипите на А1 и Лукоил, прва до водство дојде екипата на А1 со погодок во 5та минута, следуваше брз одговор на екипата на Лукоил за во 6та минута да е 1-1. Во 6та минута екипата на А1 успеа да реализира еден напад и повторно да го превземе водството на 2-1. КОн средината на полувремето односно 9та минута Ташкоски со соло продор успеа да зголеми на 3-1. До крајот на полувремето екипата на Лукоил со сите сили се обидуваше да дојде до израмнување но не успеа во таа намера па на полувремето се замина со 3-1 во корист на А1. Во второто полувреме екипата на Лукоил со чести ротации на играчи и вклучувајќи во игра голман играч се обиде да ја намали високата предност на А1 во што и делумно успеа но сепак екипата на А1 со одлична игра во фаза на напад и одбрана не дозволи изненадување и успеа да го добие овој натпревар со 10-5.

Стрелци на головите беа:
А1: Мартин Ангеловски 36’ Мартин Тодоровски 5’ 23’ 25’ Ниукола Спасевски 30’ Иле Никодиновски 27’ 29’ Мартин Ташковски 6’ 9’ 34’
Лукоил: Мартин Алаѓозовски 6’ 37’ Гоце Мојсовски 30’ 40’ Лоренцо Николовскиу 38’

Во комшиското дерби Џонсон Мети подобар од Аптив

Одличен старт за екипата на Џонсон Мети во дуелот со Аптив со погодок во втората минута и водство од 1-0. Екипата на Аптив брзо се врато по овој почетен шок па со погодокот на Трајковски во 4та миунта успеа да дојде до израмнување. По овие воведни погодоци натпреварот продолжи во жесток ритам во кој и двете екипи имаа одлични периоди на игра но екипата на Џонсон Мети со одличниот погодок на Божиновски во 14та минута успеа повторно да дојде до предност од 2-1. До крајот на полувремето екипата на Аптив беше таа која бркаше израмнување но не успеа во тоа па на паузата се замина со резултатот од 14та минута 2-1. На стартот на второто полувреме екипата на Џонсон Мети за кратко време успеа да постигне два погодоци и да се стекне со солидна предност од 4-1. Сепак екипата на Аптив не се откажуваше од овој натпревар па со стрплива игра која ја градеше во текот на полувремето во 32та минута успеа да дојде до гол негатива и да го направи остатоткот на натпреварот супер интересен. Во таквата завршница сепак поуспешна беше екипата на Џонсон Мети која го доби овој натпревар со 7-3.

Стрелци на головите беа:
Џонсон Мети: Александар Недев 26’ Бојан Дејановски 24’ 39’ Благојче Божиковски 14’ 39’ Бране Стојановски 2’ Љупче Стојановски 35’
Аптив: Хрдаличка Дамјан 30’ Иле Трајковски 4’ Кире Стаматовски 32’

ФК на глуви Слобода со одлична игра до победа над Уни Банка

Интересно прво полувреме одиграа екипите на ФК на глуви Слобода и Уни Банка, прва до водство дојде екипата на Слобода со погодок во 6та минута. По овој погодок екипата на Слобда започна со многу поофанзивна игра и со два погодци во 17та минута успеа да го зголеми водството на 3-0. Екипата на Уни Банка успеа до крајот на полувремето да постигне погодок и да се ја намали разликата за резултат од 3-1 на паузата. Во второто полувреме екипата на Слобода успеа да постигне погодок во раната фаза и да го зголеми водството од полувремето. Екипата на Уни Банка на сите можни начини се обидуваше да се врати во натпреварот но не упеваше да најде против игра за денес расположената екипа на Слобода која го доби овој натпревар со 7-4.

Стрелци на головите беа:
ФК на глуви Слобода: Самир Чеховиќ 17’ 21’ Сатула Алими 6’ 40’ Јасним Алими 17’ 38’ Бојан Ангелов 29’
Уни Банка: Ивица Орозовски 18’ 37’ Ангел Петковски 24’ Ненад Саздовски 31‘

Тиквеш со лоша поставеност на играта не можеше да парира на Гранит
Екипата на Гранит одлично го започна натпреварот против екипата на Тиквеш со погодоци во раната фаза во 3та, 4та и 6та минута се стекна со високо водство кое од минута во минута го зголемуваше. Екипата на Тиквеш не успеваше да ја најде својата вистинска игра па на полувреме екипата на Гранит замина со високи 7-1. Во второто полувреме иста слика екипата на Гранит ја контролираше играта и резултатот па континуирано го зголемуваше водството за конечна победа од 14-2.

Стрелци на головите беа:
Гранит: Стефан Тевдовски 6’ Дарко Петровски 4’ 19’ 40’ Пепи Мицев 34’ 39’ Николче Глигуровски 3’ 20’ 22’ 30’ Александар Димитриовски 11’ 18’ Ненад Антовски 22’ Ернанд Рамдедовиќ 24’
Тиквеш: Филип Велјановски 16’ Коце Ивановски 23’

ЈСП го искористи краткиот ростер на ЕВН за сигурна победа

Екипата на ЕВН одлично го започна натпреварот портив екипата на ЈСП со погодокот на Бадаловски во 3та минута. Екипата на ЈСП за кусо време односно во 4та минута се врати резултатски во натпреварот со погодокот на Фидановски. Во преостанатиот дел од полувремето екипата на ЈСП имаше повеќе од играта што им донесе предност во 15та минута за водство од 1-2. По оваа негатива екипата на ЕВН започна со поагресивна игра кон голот на ЈСП о цел да дојде до израмнување но не успеаа во таа намера па на паузата се замина со резултатот од 15та минута 1-2. Во второто полувреме екипата на ЕВН успеа да постигне погодок и да дојде до израмнување. По ова израмнување на резултатот тренерот на екипата на ЈСП направи неколку промени во тактиката на игра што вродија со плод па за само неколку минути даниел Антовски успеа повтроно да ја доведе својата екипа во предност. До крајот на натпреварот екипата на ЕВН бркаше израмнување а ЈСП преку расположениот Антовски успеа да стигне до висока победа од 7-2.

Стрелци на головите беа:
ЕВН: Наумче Бадаловски 3’ 23’
ЈСП: Љупчо Павловиќ 37’ Даниел Антовски 15’ 26’ 35’ 39’ 40’ Тихо Фидановски 4’

Даиловски го водеше Матрикс до победа над Рамстор

Првиот дел од полувремето во натпреварот помеѓу Матрикс и Рамстор помина во жесток ритам на игра без многу шанси за погодок на двете страни. Играчите на двете екипи беа многу претпазливи и во овие воведни минути ги одмеруваа силите, како одминуваше времето двете екипи започнаа со поофанзивен стил на игра што и донес епогодок на екипата на Рамстор во 11та минута и водство од 0-1. Следуваше брз одговор од екипата на Матрикс која преку Даиловски во 13та го израмни резултатот. И кога се очекуваше дека на полувремето ќе се замине со 1-1 во 19та минута Даиловски со ефектен погодок и донесе на својата екипа водство од 2-1 резултат со кој се замина на паузата. На стартот од второто полувреме екипата на Матрикс успеа да постигне погодок и да го зголеми водството на 3-1. Ова беше знак за екипата на Рамстор да фрли се на една карта и да тргне во нападот по израмнување, екипата на Матрикс одлично ја постави својата игра во одбраната па успеваше да одолее на нападите а во последните минути од натпреварот да ги искористи грешките во одбраната на Рамстор за зголемување на предноста и конечна победа од 5-1.

Стрелци на головите беа:
Матрикс: Петре Даиловски 13’ 19’ 39’ 39’ Дарко Цветковски 23’
Рамстор: Авни Воша 11’

Пекабеско со тимска игра до победа над Уника

Одличен старт на екипата на Уника во дуелот со пекабеско со погодокот на Јакимовски во 3та минута, следуваше брз одговор на екипата на Пекабеско преку расположениот Бачко со два погодоци во 3та и 7та минута за целосен резултатски пресврт. По ова екипата на Уника се префрли на противничката половина со цел да дојде до израмнување на резултатот но ваквата игра ја остави ранлива во одбраната што Пекабеско го искористи за зголемување на водството и предност од 3-1 до полувремето. Во второто полувреме екипата на Уника влезе со поагресивна игра и вршеше пресинг кон голот на Пекабеско со цел да го намалат водството од полувремето во што и делумно успеаа но сепак екипата на Пекабеско не дозволи изненадување и до крајот усапеа да ја задржи предноста за победа во овој дуел со 6-3

Стрелци на головите беа:
Пекабеско: Ловица Левајковски 10’ 34’ алвин Бачко 3’ 7’ 31’ Бојан Александровски 35’
Уника: Даниел Стојановски 38’ Саше јакимовски 3’ Тимотеј Нешовски 28’

Макпетрол имаше доволно гориво да го совлада Македонски Телеком

Динамично прво полувреме одиграа екипите на Македноски Телеком и Макпетрол, уште на самиот старт почнаа да се редат шанси за погодок на двете страни. Екипата на Макпетрол со погодок во 9та минута успеа да го отвори резултатот за водство од 1-0. По оваа негатива екипата на Телеком се префрли на противничко поле и се обидуваше да дојде до израмнување, но екипата на Макпетрол не дозволи изненадување со одлично поставена игра во одбраната. Во последните минути од полувремето се случи вистинска голеада од екипата на Макпетрол која го доби полувремето со 1-4. Во второто полувреме се продолжи во висок ритам на игра во кој екипата на Телеком со чести ротации на играчи се обиде да фати резултатски приклучок но не успеа да ја најде својата игра а екипата на Макпетрол ја искористи таа можност па рутинирано го приведе натпреварот во своја полза. Крај 2-7.

Стрелци на головите беа:
Македонски Телеком: Стефан насковски 20’ Џенис Бекир 33’
Макпетрол: Бенер Бекиовски 20’ 30’ Марко Костенцовски 17’ игор Секуловски 20’ 39’ 39’ Горан Новакоски 9’

Аџибадем Систина со борбена игра стигна до реми во дуелот со Фабрика Карпош – ГИМ

Интересно прво полувреме исполнето со одлични акции атрактивни потези и одлични голови. Екипата на Фабрика Карпош – ГИМ со голот на Божиков во 6та минута го отвори резултатот, а неколку минути подоцна и да го зголеми водството на 2-0. Екипата на Аџибадем Систина со голот на Ѓоргиевски успеа да го намали резултатот на 1-2. До крајот на полувремето екипата на Фабрика Карпош – ГИМ имаше повеќе од играта па на полувреме замина со предност од 2-4. Во второто полувреме екипата на Аџибадем Систина со сите сили се обидуваше да фати резултатски приклучок во што и успеа со сигурна игра од минута во минута ја топеше предноста на Фабрика Карпош – ГИМ за во 38та минута да дојде на само гол негатива и да ја направи завршницата неизвесна. Во ваквата неизвесна завршница екипата на Аџибадем Систина успеа да го израмни резултатот но не и да направи целосен пресврт па екипите ги поделија бодовите со 6-6.

Стрелци на головите беа:
Аџибадем Систина: Кристијан Димковски 15’ 38’ Далибор Дамјановиќ 35’ Игор Ѓеорѓиевски 9’ 32’ Влатко Кузмановски 39’
Фабрика Карпош – ГИМ: Александар Божиков 6’ 12’ Кристијан Панев 18’ Филип Илиевски 8’ 22’ 28’

Во натпревар полн со пресврти ЕЛЕМ поуспешни од ТАВ

Израмнето прво полувреме одиграа екипите на ТАВ и ЕЛЕМ, прва до водство дојде екипата на ЕЛЕМ во 5та минута преку погодокот на Станкоски. Екипата на Водовод имаше брз одговор и во 7та минута успеа да го израмни резултатот а минута подоцна и да направи целосен резултатски пресврт. Ова беше знак за екипата на ЕЛЕМ да притисне кон противничкиот гол и до полувремето тие успеаа повторно да го превземат водството и на паузата да заминат со предност од 2-3. Во второто полувреме екипата на Водовод се префрли на противничка половина но подзаборави на својата одбрана што екипата на ЕЛЕМ го искористи за зголемување на водството и конечна победа од 2-4.

Стрелци на головите беа:
ТАВ: Александар Митровски 8’ Мартин Арсовски 7’
ЕЛЕМ: Златко Станковски 5’ 36’ Ванчо Петковски 13’ Јордан Ангеловски 15’

Окта со убедлива игра до победа над Водовод

Првото полувреме во дуелот помеѓу Водовод и Окта и припадна на екипата на Окта која уште на самиот старт започна со офанзивна игра која и донесе предност до 6та минута од 0-2. По оваа негатива екипата на Водовод започна со агресивна игра со цел да ја намали негативата но екипата на Окта одлично се бранеше а преку контра напади успеваше да казни за високи 0-4 на полувреме. Во второто полувреме екипата на Водовод на сите можни начини се обидуваше да ја намали високата негатива од полувремето но не успеа да и се спротитави на денеска расположената екипа на Окта која го контролираше резултатот и го приведе овој натпревар во нејзина полза со сигурен резултат од 2-8.

Стрелци на головите беа:
Водовод: Стојанче Величковски 39’ Столе Ивановски 39’
Окта: Живко Котевски 20’ 24’ Александар Јовчевски 12’ 15’ Драганчо Ѓорѓиевски 34’ Давид Насковски 35’ Јасмин Личина 2’ 6’

Сава Осигурување преку дуото Глигуровски-Марковски до победа над МЕПСО

Екипата на Сава осигурување одлично го започна натпреварот со МЕПСО со голот на Коста Глигуровски во 5та минута, неколку минути подоцна односно во 9та минута стрелаше Марковски за 0-2 за Сава Осигурување. Екипата на МЕПСО се обидуваше да створи играч како би дошле до шанса за гол и да ја намалат негативата, но екипата на Сава Осигурување со одлична игра не дозволи изненадување а преку два гол на Глигуровски во 17та и 18та минута ја зголеми предноста на 0-4. Во второто полувреме иста слика екипата на Сава Осигурување имаше целосна контрола врз играта и резултатот и покрај обидите на МЕПСО да се врати во натпреварот немаше успех во тоа. Екипата на Сава Осигурување денеска во својот состав ги имаше расположените Глигуровски и Марковски кои ја осигураа победата на својот тим со 1-7.

Стрелци на головите беа:
МЕПСО: Борис Трајковски 26’
Сава Осигурвање: Јовица Марковски 9’ 22’ 29’ Коста Глигуровски 5’ 17’ 18’ Данило Апостолски 36’

Ова коло се истакнаа следните поедници:

– Даниел Антовски (ЈСП) 5 гола
– Петре Даиловски (Матрикс) 4 гола
– Николче Глигуровски (Гранит) 4 гола
– Коста Глигуровски (Сава Осигурување) 3 гола

Allround играчи кои погодуваа во клучни моменти, асистираа до своите соиграчи кога беше најпотребно и допринесоа за подигање на моралот во екипата во ова коло беа:
Мартин Ташкоски (А1), Мартин Тодоровски (А1), Филип Илиевски (Фабрика Карпош – ГИМ), Игор Стојковски (Макпетрол), Алвин Бачко (Пекабеско), Дарко Петров (Гранит), Филип Белчовски (Ван Хоол), Самир Чеховиќ (ФК на глуви Слобода), Благојче Божиновски (Џонсон Мети), Јовица Марковски (Сава Осигурување)

Екипа на колото: А1
Тренер на колото: Зоран Николовски (А1)
Голман на колото: Александар Димитровски (Гранит)