Осврт на единаесетото коло од Бизнис Лигата на Македонија

Домаќинот С.Ц. Борис Трајковски со сигурна игра до нови бодови во првиот дуело од 11 коло
Одличен старт за екипата на С.Ц. Борис Трајковски во дуелот со Маркарт и погодок уште во првата минута, по овој постигнат погодок екипата на Маркарт сеуште беше во шок па С.Ц. Борис Трајковски ја искористи ваквата ситуација за уште еден брз погодок во 5та минута и водство од 2-0. Сепак екипата на Маркарт возврати преку расположениот Трајковски кој со два погодоци во 6та и 7та минута им донесе израмнување на резултатот. До крајот на полувремето екипата на С.Ц. Борис Трајковски успеа да постигне погодок и на полувремето да замине со предност од 3-2. На стартот од вториот дел екипата на С.Ц. Борис Трајковски ја зголеми предноста со одличен погодок на својот голман играч Костов, по оваа негатива екипата на Маркарт направи промена на тактиката внесувајќи голман играч и тргна со жесток притисок кон противничкиот гол со цел да дојде до израмнување, но остави дупка во обраната која С.Ц. Борис Трајковски ја искористи за реализација и победа во овој дуел со резултат од 5-3.

Стрелци на головите беа:
С.Ц. Борис Трајковски: Влахо Костов 21’ Горан Андонов 1’ 5’ Оливер Китановски 38’ Дарко Филимановски 15’
Маркарт: Миле Радевски 35’ Марјан Трајковски 6’ 7’

Сава Осигурување преку контра напади дојде до победа над ЕВН
Интересно прво полувреме одиграа екипите на Сава Осигурување и ЕВН, уште на самиот старт двете екипи започнаа со отворена игра што донесе многу шанси и на двете страни. Прва до водство дојде екипата на ЕВН во 3та минута со голот на Новобрдарија, веќе следната минута екипата на Сава Осигурвање успеа да постигне погодок за израмнување преку Илиевски. До крајот на полувремето екипата на Сава Осигурување имаше повеќе од играта и го доби ова полувреме со предност од 3-2. Во второто полувреме екипата на ЕВН ја превзема иницијативата и се префрли на протиничко поле вршејќи притисок кон голот на екипата на Сава Осигурување, но екипата на Сава Осигурување одлично ја постави својата игра во одбраната и преку контра напади ја казнуваше екипата на ЕВН за на крајот да го добие овој натпревар со убедливи 9-3.

Стрелци на головите беа:
Сава Осигурување: Андреј Китановски 31’ 34’ 36’ 40’ Трајче Илиевски 4’ 24’ 33’ Јовица Марковски 10’ 20’
ЕВН: Наумче Бадаловски 40’ Ајет Новобрдарија 3’ 17’

Лукоил со гол во последната минута дојде до победата над Гранит
Возбудливо прво полувреме одиграа екипите на Гранит и Лукоил во висок ритам на игра уште на самиот старт што донесе брз погодок за екипата на Гранит во 2та минута. По ова водство на Гранит екипата на Лукоил спреми брз одговор и веќе во следната минута дојде до израмнување. Во остатокот од полувремето видовме голови и на двете страни и израмнување на резултатот на 2-2. Во финишот од полувремето се редеа шанси и на двете страни, екипата на Гранит искористи една од нив во 17та минута за водство од 3-2, резултат со кој се замина на полувремето. Во второто полувреме се продолжи со жесток ритам на игра, со многу борба низ целиот терен двете екипи наизменично се менуваа во водството за во последните минути од натпреварот да се влезе егал за вистинска драма. Во тквата неизвесна завршница екипата на Лукоил со гол во последната минута успеа да дојде до победата на резултат од 6-7.

Стрелци на головите беа:
Гранит: Николче Глигуровски 2’ 17’ 30’ 37’ Ристе Бошев 5’ 26’
Лукоил: Марјан Цветковски 28’ Љупчо Апостоловски 39’ Мартин Алаѓозовски 3’ 6’ 23’ 40’ Лоренцо Николовски 37’

Вип немаше доволно сили за пресврт во дуелот со Телеком
Првата фаза од дуелот помеѓу Вип и Македонски Телеком и припадна на екипата на Телеком која успеа да постигне погодок уште во првата минута и да ја изненади екипата на Вип. Во 4та минута екипата на Телеком изведе одличен контра напад кој го релизираше Лазаревски за водство од 0-2, во 8та минута уште една одлично воиграна акција и водство од 0-3 за екипата на Телеком. По оваа негатива екипата на Вип се обидуваше со чести ротации на играчи да ја пронајде вистинската игра како би фатиле резултатски приклучок. До крајот на полувремето екипата на Вип успеа да постигне погодок од белата точка и да го намали водството на 1-3 резултат со кој се замина на полувремето. Во второто полувреме екипата на Вип ја превзема иницијативата и се префрли на противничко поле вршејќи силен притисок кон голот на Телеком, кон средината на полувремето успеаа да постигнат погодок и да се добилжат до само еден гол негатива. Во последните минути од натпреварот беа вистинска драма во која екипата на Вип постојано напаѓаше а екипата на Телеком одлично го чуваше својот гол и во последната минута успеа да искористи кикс во одбраната на Вип и да стави точка на овој натпревар кој го доби со 2-4.

Стрелци на головите беа:
Вип: Сашо Србаков 28’ Мартин Тодоровски 15’
Македонски Телеком: Михајло Лазаревски 4’ 40’ Стефан Наскоски 8’ Даниел Анчевски 1’

Аџибадем Систина со одлична одбрана до бодовите во дуелот со Окта
Првиот дел од полувремето во дуелот помѓу Систина и Окта одмина во мирен ритам на игра, двете екипи беа претпазливи и ги испитуваа силите па играчите со соло акции и удари од далечина се обидуваа да направат нешто повеќе. Како одминуваше времето екипата на Систина ја превзеде иницијативата успеа да створи неколку шанси за погодок, што вроди со плод во 11та минута и водство од 1-0. По оваа негатива екипата на Окта со сите сили се обидуваше да дојде до израмнување, успеа да створи зрели шанси за погодок но голманот на систина беше на висина на задачата и ја сочува својата мрежа мирна. На полувремето се замина со 1-0. Во второто полувреме двете екипи го подигнаа темпото на игра и по теренот беше вистинска бркотница, на стартот на полувремето екипата на Окта успеа да постигне погодок и да дојде до израмнување. Сепак екипата на Систина неколку минути подоцна поточно во 27та минута успеа да го превземе водството и до крајот на натпреварот успеваше да одолее на нападите на екипата на Окта и да го добие натпреварот со 3-2.

Стрелци на головите беа:
Аџибадем Систина: Никола Малјановски 11’ 34’ Игор Ѓорѓиевски 27’
Окта: Един Скендеровиќ 25’ Александар Јовчевски 38’

Пекабеско и Уни Банка одиграа реми
Одлично прво полувреме одиграа екипите на Пекабеско и Уни Банка, прва до водство дојде екипата на Уни Банка во 7та минута со голот на Орозовски. Неколку минути подоцна поточно во 10та и 13та минута екипата на Пекабеско успеа да направи целосен резултатски пресврт. Во 14та минута Орозовски постигна уште еден прекрасен погодок за израмнување на резултатот. Како се ближеше крајот на полувремето и се очекуваше на паузата да се замине со изедначен резултат, во последната минута екипата на Пекабеско постигна погодок за предност на полувремето од 3-2. На стартот од вториот дел екипата на Уни Банка се префрли на противничката половина и вршеше притисок кон голот на Пекабеско со цел да дојде до израмнување што им успеа во 30та минута. До крајот на натпреварот и двете екипи имаа шанса да ги однесат бодовите но покажаа слаба реализација па на крајот ги поделија бодовите на резултат од 4-4.

Стрелци на головите беа:
Пекабеско: Бобан Вујиќ 29’ Влатко Петровски 10’ 13’ Мартин Здравевски 20’
Уни Банка:Марко Ташков 30’ Ивица Орозовски 7’ 14’ 29’

Екипата на Еуро Табак со судискиот свиреж до победа над Џонсон Мети
Возбудливо прво полувреме одиграа екипите на Џонсон Мети и Еуро Табак, прва до водство дојде екипата на Еуро Табак во 8та минута, радоста кратко траеше по само неколку минути поточно во 13та минута екипата на Џонсон Мети дојде до израмнување. До крајот на полувремето видовме многу шанси на двете страни и одлични погодоци. Поуспешна во ова полувреме беше екипата на Еуро Табак која на паузата замина со предност од 2-3. Во второто полувреме екипата на Џонсон Мети се префрли на противничката половина вршејќи силен притисок кон голот на Еуро Табак со цел да дојде до израмнување што им успеа кон средината на полувремето. Во последните минути од натпреварот видовме жестока борба и на двете страни во која екипата на Еуро Табак буквално во последната секунда од натпреварот преку Зафировски реализираше за победа од 5-6.

Стрелци на головите беа:
Џонсон Мети: Љупчо Стојановски 36’ Христијан Стојановски 33’ Мартин Николовски 40’ Бобан Ристов 13’ 19’
Еуро Табак: Филип Поповски 37’ Никола Зафировски 18’ 40’ Мартин Ливрински 8’ 18’ 29’

Рамстор убедлив во дуелот со ЕЛЕМ
Одличен старт за екипата на Рамстор во дуелот со ЕЛЕМ, веќе во втората минута се стекнаа со водство од 2-0. Екипата на ЕЛЕМ по оваа негатива тргна пожестоко кон голот на Рамстор и успеа да постигне еден погодок и да фатин резултатски приклучок. Таквата отворена игра на екипата на ЕЛЕМ скапо ја чинеше бидејќи екипата на Рамстор преку контра напади ги казнуваше од минута во минута за на полувремето да замине со висока предност од 7-1. Во второто полувреме екипата на ЕЛЕМ направи промена на тактиката внесувајќи во игра голман играч што им овозможи вишок во нападот и делумно намалување на водството. Сепак екипата на Рамстор од крајот на натпреварот ја имаше контролата врз играта и резултатот и не и дозволи на ЕЛЕМ да направи нешто повеќе. Рамстор го доби натпреварот со високи 8-3.

Стрелци на головите беа:
Рамстор: Фуркан Муртезан 11’ Арјан Цами 16’ Елдин Бихорац 35’ Хурјед Шаќири 2’ Ведат Арслан 1’ 10’ 17’ 19’
ЕЛЕМ: Ристо Стефановски 23’ Златко Станковски 25’ Петар Василевски 13’

Матрикс со одлично второ полувреме до победа над L.C. Waikiki
Првиот дел од полувремето во дуелот помеѓу L.C. Waikiki и Матрикс и припадна на екипата на L.C. Waikiki, тие со гол во 5та минута го отворија резултатот и до средината на полувремето имаа целосна контрола над играта. Како одминуваше времето екипата на Матрикс го засили темпото на игра и вршеше силен притисок кон голот на L.C. Waikiki што резултираше со два погодоци во 17та и 19 минута и целосен резултатски пресврт. Во последниот напад од полувремето екипата на L.C. Waikiki успеа да реализира преку Перхај со претходна мајсторија – асистенција на Џенгис Ахмед, за на полувремето да се замине со изедначен резултат од 2-2. На стартот од вториот дел екипата на Матрикс преку Брњарчевски успеа да постигне погодок за водство од 2-3, а веќе во 24та минута постигнаа солидно водство од 2-5. До крајот на натпреварот екипата на L.C. Waikiki со притисок кон противничкиот гол се обидуваше да се врати во натпреварот но Матрикс успеа да ги искористи сите пропусти во противничката одбрана и да го добие овој натпревар со 4-7.

Стрелци на головите беа:
L.C. Waikiki: Фуркан Фетаи 5’ 35’ 39’ Алојз Перај 20’
Матрикс: Никола Христовски 37’ Драган Брњарчевски 22’ 24’ 30’ Симеон Коцески 17’ 19’ Ивица Алампиоски 24’

Во израмнет натпревар Макпетрол и ЈСП ги поделија бодовите
Израмнето прво полувреме одиграа екипите на Макпетрол и ЈСП, во ова полувреме и двете екипи имаа свои одлични периоди на игра во кои создаваа шанси за погодок но покажаа и слаба реализација. Во ова полувреме треба да се напомене и одличната партија на двајцата голмани кои имаа одлични интервенции и ги сочуваа своите мрежи мирни до полувремето. Во второто полувреме двете екипи ни приредија одличен фудбал, високо темпо на игра и жестока борба по целиот терен. Екипата на ЈСП во 24та минута преку голот на Павловиќ го отвори резултатот на 0-1, по ова екипата на Макпетрол за само една минута одговори со голот на Ѓоргиевски израмнување на 1-1. До крајот на натпреварот двете екипи со сите сили се обидуваа да постигнат погодок и да го освојат целиот плен но не успеаа во таа намера и се задоволија со поделба на бодовите. Натпреварот заврши со резултат од 1-1.

Стрелци на головите беа:
Макпетрол:Мишо Ѓоргиевски 25’
ЈСП: Љупчо Павловиќ 24’

Алкалоид со одлична игра во вториот дел дојде до висока победа во дуелот со МЕПСО
Одличен почеток на екипата на Алкалоид во дуелот со МЕПСО. Во 4та минута се стекнаа со водство од 0-2. Екипата на МЕПСО со голман играч во фаза на напад правеше вишок играч и успеа да креира неколку шанси како би фатиле резултатски приклучок, но имаа слаба реализација а екипата на Алаклоид тоа го казни со нов погодок во 12та минута и водство од 0-3. До крајот на полувремето екипата на МЕПСО резултатски се приближи до Алкалоид но до полувремето не успеа целосно да се врати па на паузата замина со негатива од 2-4. Во второто полувреме екипата на МЕПСО со сите сили тргна во нападот обидувајќи се да ја намали разликата, со таквата отворена игра оставија голема празнина во одбраната па екипата на АЛкалоид успеа да го искористи тоа и преку контра напади да ги казнува за на крајот да го добие натпреварот со високи 2-7.

Стрелци на головите беа:
МЕПСО: Александар Јоксимовски 16’ Диме Рошковски 17’
Алкалоид: Дарко Стевков 35’ Сунај Љазим 4’ 20’ 39’ Кристијан Арсовски 12’ Илија Арсовски 24’ Даниел Ристески 3’

Ова коло се истакнаа следните поедници:

– Мартин Алаѓозовски (Лукоил) 5 гола
– Андреј Китановски (Сава Осигурување) 4 гола
– Ведат Арслан (Рамстор) 4 гола
– Мартин Ливрински (Еуро Табак) 3 гола
– Драган Брњарчевски (Матрикс) 3 гола

Allround играчи кои погодуваа во клучни моменти, асистираа до своите соиграчи кога беше најпотребно и допринесоа за подигање на моралот во екипата во ова коло беа:
Ивица Орозовски (Уни Банка), Михајло Лазаревски (Македонски Телеком), Никола Малјановски (Аџибадем Систина), Фуркан Фетаи (L.C. Waikiki), Трајче Илиевски (Сава Осигурување)

Екипа на колото: Еуро Табак
Тренер на колото: Јован Младеновиќ (Матрикс)
Голман на колото: Енис Мурселов (Рамстор)