Осврт на петтото коло од Бизнис Лигата на Македонија

Во петтото коло од Бизнис Лигата беа одиграни 9 натпревари.
Бевме сведоци на натпревари со многу пресврти и динамична игра. Ова коло е точно на средината од завршувањето на есенскиот дел па можеме да видиме дека екипите влегуваат во вистински ритам пред се поради воиграноста која ја прикажуваат, се играше тимски и со многу тактичко техничка поставеност.

ЕВН имаше своја вечер во дуелот со ЈП Дрисла
ЕВН 13-2(7-1) ЈП Дрисла

Ивановски со одлична игра во второто полувреме го водеше ЈП Водовод до победа над Спорт Лајф
Спорт Лајф 1-5(1-1) ЈП Водовод

Јован Димовски – ЗУЗ со 4 гола му донесе победа на С.Ц. Борис Трајковски на Шпаркасе Банка
Шпаркасе Банка 2-8(2-2) С.Ц. Борис Трајковски

Ван Хоол со одлична реализација до победа над Пивара Скопје
Ван Хоол 7-1(4-1) Пивара Скопје

Лукоил ги прегоре блоковите во РЕК Битола
Лукоил 9-1(6-0) ЕЛЕМ

Гранит немаше сили за пресврт во дуелот со Фабрика Карпош – ГИМ
Фабрика Карпош – ГИМ 7-5(4-1) Гранит

Во дерби натпревар Џонсон Мети го совлада ЈСП
ЈСП 2-3(1-2) Џонсон Мети

Матрикс со сериозен пристап дојде до победа над Уни Банка
Уни Банка 2-9(0-3) Матрикс

Џојсон Сејфти Системс со тимска игра до победа над А1
Џојсон Сејфти Системс 7-3(2-0) А1

Ова коло се истакнаа следните поедници:
– Бојан Тодоровски (ЕВН) 6 гола
– Јован Димовски (С.Ц.Б.Т.) 4 гола
– Иван Стојчев (Лукоил) 4 гола
– Петре Даиловски (Матрикс) 3 гола

Allround играчи кои погодуваа во клучни моменти, асистираа до своите соиграчи кога беше најпотребно и допринесоа за подигање на моралот во екипата во ова коло беа:
Вецко Вренцовски (Џојсон Сејфти Системс), Игор Николовски (Фабрика Карпош – ГИМ), Тони Брњарчевски (Матрикс), Бојан Симоновски (ЕВН), Стојанче Иваноски (ЈП Водовод), Боше Петровски (Ван Хоол), Бојан Дејановски (Џонсон Мети)

Екипа на колото: ЕВН
Тренер на колото: Васко Стефанов (Лукоил)
Голман на колото: Филип Јаневски (Фабрика Карпош – ГИМ)