Осврт на шеснаесетото коло од Бизнис Лигата на Македонија

Во рамките на шеснаесетото коло од Бизнис Лигата на Македонија беа одиграни десет натпревари полни со пресврти, изненадување и прекрасни погодоци

Во првиот натпревар од 16то коло силите ги одмерија екипите на Аџибадем Систина и Искрател Груп
Интересно прво полувреме одиграа екипите на Систина и Искрател Груп, воведните минути од натпреварот одминаа во помирен ритам, каде екипите ги испитуваа силите и играчите со соло акција и удари од далечина се обидуваа да сторат нешто повеќе. Како одминуваше вермето екипата на Систина ја превземе иницијативата и вршеше жесток притисок кон голот на Искрател Груп, што резултираше со погодок во 11′ и водство од 1:0. По оваа негатива екипата на Искрател Груп се префрли на противничко поле и со сите сили се обидуваше да дојде до израмнување, но екипата на Систина со одлично поставена одбрана не и остави простор за играње на екипата на Искрател Груп, па на полувреме замина со предност од 1-0. Во второ полувреме екипата на Искрател Груп со чести ротации на играчи и промена на тактика се обидуваше да ја најде својата игра и фрли се на една карта тргна на нападот, таква отворена игра остави пукнатини во нивната одбрана што екипата на Систина знаеше да ги казни и во 25′ со голот на Неделковски зголеми на 2-0. До крајот на натпреварот екипата на Систина имаше целосна контрола врз играта и резултат и го доби овој натпревар со 4-0.

Стрелци на головите беа:
Аџибадем Систина: Далибор Дамјановиќ 11’ Мирослав Неделковски 25’ Никола Малјановски 29’ Ивица Петровски 36′

Екипата на С.Ц. Борис Трајковски со одлично второ полувреме дојде до победа во дуелот со ЈСП
Екипата на С.Ц.Борис Трајковски одлично го отвори дуелот против екипата на ЈСП, тие со рано постигнат погодок уште во 6’ со голот на Димовски го отворија резултат за водство од 1-0. Екипата на ЈСП за кусо време спреми одговор па веќе следната минута со голот на Сабит успеа да израмни на 1-1. До крајот на полувремето и двете екипи имаа свои одлични периоди на игра, успеваа да креираат шанси но имаа слаба реализација па на полувреме се замина со резултат од 1-1. На почетокот од второ полувреме екипата на С.Ц.Борис Трајковски успеа да постигне погодок и повторно да го превземе водството. По ова екипата на ЈСП се префрли на противничко поле и вршеше силен притисок кон голот на С.Ц.Борис Трајковски со цел да дојде до израмнување, но екипата на С.Ц.Борис Трајковски со одлична игра во одбраната успеа да го сочува својот гол и на крајот да го добие овој натпревар со резултат од 4-2.

Стрелци на головите беа:
С.Ц.Борис Трајковски: Јован Димовски 6’ 34’ Oливер Китановски 26’ Александар Василевски 36’
ЈСП: Сабит Хусеин 7’ Дејан Блажевски 35’

Во неизвесна завршница ЕЛЕМ беа поуспешни од Маркарт
Возбудливо прво полувреме одиграа екипите на Маркарт и ЕЛЕМ, екипата на ЕЛЕМ беше таа која ја превзема иницијативата уште на самиот почеток вршеше притисок кон голот на Маркарт што им донесе предност во 7та минута од 0-1. По ова екипата на Маркарт започна со поагресивна игра и за само неколку минути успеа да направи целосен резултатски пресврт и предност од еден гол која ја задржа до полувремето. На паузата се замина со резултат од 4-3. Во второто полувреме двете екипи продолжија со жесток ритам на игра, во која екипата на ЕЛЕМ на стартот од полувремето имаше повеќе од играта што и донесе водство и целосен резултатски пресврт, екипата на Маркарт не се откажуваше лесно од овој натпревар па преку Стојанов во 38та минута го израмни резултатот и да ја направи завршницата од овој натпревар неизвесна. Во ваквата завршница поуспешна беше екипата на ЕЛЕМ која го доби овој натпревар со 6-7.

Стрелци на головите беа:
Маркарт: Александар Ристовски 23’ Пеце Стојановски 38’ Мартин Стојанов 10’ 11’ Марјан Трајковски 16’ Флоријан Зиген 20’
ЕЛЕМ: Ристо Стефановски 39’ Златко Станкоски 24’ Влатко Петровски 7’ 14’ 19’ 34’ Селвет Речепи 33’

Во натпревар полн со пресврт L.C. Waikiki беа поуспешни од Уника
Одличен старт на екипата на Уника во дуелот со L.C. Waikiki, со погодоци постигнати уште во воведните минути екипата на Уника се стекна со солидна предност од 3-1 веќе во 6та минута. Оваа негатива не ја демотивираше екипата на L.C. Waikiki која тргна во целосна офанзива и успеа за само неколку минути поточно во 13та минута да го израмни резултатот. До крајот на полувремето и двете екипи имаа свои шанси за погодок и за превземање на водството но сепак мрежите останаа мирни па на полувремето се замина со изедначен резултат од 4-4. На стартот од вториот дел екипата на L.C. Waikiki успеа да постигне погодок и да го превземе водството, и ја доведе екипата на Уника во ситуација да брка израмнување. Уника се префрли на противничко поле и вршеше жесток притисок кон голот на L.C. Waikiki што и донесе израмнување во 29та минута, неколку минути подоцна уште еден погодок за целосен пресврт. До крајот на натпреварот екипата на L.C. Waikiki вршеше притисок да дојде до израмнување и во последните минути од натпреварот да успеа да направи целосен пресврт за конечна победа од 7-6.

Стрелци на головите беа:
L.C. Waikiki: Фуркан Фетаи 11’ Едит Салковиќ 13’ Суад Арифи 10’ 40’ Стефан Цветковски 3’ Армин Дрпљанин 23’ Ветим Имери 39’ Шабан Чупи 32’
Уника: Љуљзим Каштањева 5’ 6’ Бенјамин Граинца 10’ 29’ Тимотеј Нешовски 2’

Сава Осигурување со сигурна игра дојде до победа над Алкалоид
Прво полувреме во висок ритам на игра одиграа екипите на Сава Осигурување и Алкалоид, на самиот старт двете екипи започнаа со целосна офанзива што резултираше со многу шанси за погодок и на двете страни. Прва во водство дојде екипата на Сава Осигурвање со голот на Илиевски во 9та минута. По ова екипата на Алкалоид започна со поагресивна игра со цел да дојде до израмнување но екипата на Сава Осигурување со одлична игра во одбраната не и остави многу простор за игра на екипата на Алкалоид, а преку еден контра напад во 15та минута успеа да го зголеми водството на 2-0 резултат со кој се замина на полувремето. Во второто полувреме екипата на Алкалоид со сите сили се обидуваше да постигне погодок како би фатила резултатски приклучок, но екипата на Сава осигурување уште во раната фаза од полувремето успеа да постигне три погодоци и да се стекне со високо водство. До крајот на натпреварот екипата на Сава Осигурување имаше целосна контрола врз играта и резултатот па го доби овој натпревар со 8-3.

Стрелци на головите беа:
Сава Осигурување: Дарко Црвенковски 39’ Јовица Марковски 15’ Коста Глигуровски 25’ Трајче Илиевски 9’ 40’ Данило Апостоловски 23’ Андреј Китановски 32’ 33’
Алкалоид: Даниел Ристовски 39’ Дениз Салковиќ 35’ Кристијан Арсовски 37’

Лукоил со фуриозна завршница до висока победа над МЕПСО
Интересно прво полувреме одиграа екипите на МЕПСО и Лукоил, видовме рано водство на екипата на МЕПСО уште во втората минута. По ова екипата на Лукоил тргна во целосна офанзива и вршеше притисок кон голот на МЕПСО па успеа до 6та минута да постигне два погодоци и да направи целосен резултатски пресврт. До крајот на полувремето екипата на Лукоил успеа да ја сочува предноста од еден гол и на паузата да замине со предност од 3-4. Во второто полувреме се продолжи со висок ритам на игра и се редеа шанси за гол и на двете страни. Екипата на Мепсо кон средината на полувремето поточно во 29та минута успеа да постигне погодок за израмнување на резултатот. Последните минути од натпреварот во целост и припаднаа на екипата на Лукоил која со одлична игра во фаза на напад и одбрана успеа да направи висока предност и да го добие натпреварот со резултат од 4-9.

Стрелци на головите беа:
МЕПСО: Александар Јоксимовски 2’ Борис Трајковски 29’ Диме Рошковски 15’ Слаѓан Ѓоргиевски 14’
Лукоил: Марјан Цветковски 6’ 32’ Владимир Секуловски 31’ Гоце Мојсовски 40’ Лоренцо Николовски 4’ 36’ 38’ Антонио Фенов 15’ 20’

Макпетрол со тимска игра до победа над Фабрика Карпош – ГИМ
Ефикасно прво полувреме ни прикажаа екипите на Макпетрол и Фабрика Карпош – ГИМ, екипата на Макпетрол со погодок во третата минута го отвори резултатот на овој натпревар. Неколку минути подоцна поточно во 6та минута со одличен погодок на Божиков екипата на Фабрика Карпош – ГИМ дојде до израмнување на 1-1. Во останатиот дел од полувремето екипите на Макпетрол имаше повеќе од играта и своите шанси успеа да ги претвори во погодок па на полувремето замина со предност од 5-3. Во второто полувреме екипата на Фабрика Карпош – ГИМ жестоко нападна кон голот на Макпетрол со цел да дојде до израмнување, но екипата на Макпетрол со одлична поставеност во фаза на одбрана не и дозволи на екипата на Фабрика Карпош – ГИМ резултатски да се доближи и преку контра напади контролирано го зголемуваше водството за на крајот да извојува победа од 11-6

Стрелци на головите беа:
Макпетрол: Бенер Бекиоски 13’ 34’ Мишо Ѓоргиевски 3’ 10’ 28’ 37’ 39’ Марко Костенцовски 23’ Игор Стојковски 12’ 16’ 25’
Фабрика Карпош – ГИМ: Кристијан Панев 17’ 24’ 30’ Александар Божиков 6’ 14’ 39’

Пеколно второ полувреме на Матрикс за висока победа над Вип
Возбудливо прво полувреме одиграа екипите на Вип и Матрикс, екипата на Матрикс со одличнот погодок на Христовски во 4та минута го отвори резултатот. Следуваше брз одговор на екипата на Вип со погодокот на Богдановиќ во 6та минута за израмнување на резултатот на 1-1. По овие воведни минути екипата на Матрикс ја превзеде иницијативата имаше повеќе од играта што им донесе водство од 1-2 во 15та минута со вториот погодок на Христовски. До крајот на полувремето екипата на Вип успеа да креира неколку шанси за израмнување но не успеа да реализира па на полувреме се замина со резултатот од 16та минута 1-2. Во второто полувреме екипата на Матрикс успеа да постигне погодок и да го зголеми водството, по ова екипата на Вип беше приморана да фрли се на една карта и да тргне во целосна офанзива со цел да го намали водството и да фати резултатски приклучок. Екипата на Матрикс со одлично поставена игра успеа да ги искористи сите пропусти на одбраната на Вип и да го добие овој натпревар со високи 1-7.

Стрелци на головите беа:
Вип: Ненад Богдановиќ 6’
Матрикс: Никола Христовски 4’ 14’ Петре Даиловски 21’ 32’ Mирко Богески 31’ 37’ Драган Брњарчевски 37’

Рамстор со пресврт до победа над Окта
Екипата на Окта со одличен старт во дуелот со Рамстор, уште на самиот почеток на полувремето екипата на Окта покажа одлична игра и брза реализација за високо водство од 0-3 во 3та минута. По ова водство на Окта екипата на Рамстор го подигна темпото на игра и се префрли на противничка половина со цел да дојде до намалување на резултатот. До крајот на полувремето екипата на Рамстор успеа да ја стопи предноста на Окта и да дојде на само гол негатива но не и да направи целосен пресврт па на паузата се замина со резултат од 2-3. На стартот на второто полувреме екипата на Рамстор успеа да дојде до израмнување на резултатот на 3-3 што им даде дополнителен мотив и желба за победа. Екипата на Окта се обидуваше да ја врати предноста но таквата отворена игра ја направи нивната одбрана ранлива што рамстор го искористи за целосен пресврт од 4-3. До крајот на натпреварот екипата на Рамстор успеа да реализира уште еднаш и да ја осигура победата во дуелот со Окта на резултат од 5-3.

Стрелци на головите беа:
Рамстор: Фуркан Муртезан 11′ 12’ Енис Мурселов 23’ Хурјед Шаќири 38’ Михрем Мемед 28’
Окта: Живко Котевски 2’ 3’ Драганче Стојановски 3’

Еуро Табак со одлично второ полувреме до победа над Пекабеско
Израмнето прво полувреме одиграа екипите на Пекабеско и Еуро Табак, прва до водство дојде екипата на Еуро Табак преку Јанковски во 4та минута за да по само една минута Пекабеско преку Благоевски успеа да го израмни резултатот на 1-1. По што се влезе во егал полувреме во кое и двете екипи играа крајно израмнето и шансите кои ги имаа не успеаа да ги претворат во гол па на полувремето се замина со 1-1. Во второто полувреме екипата на Еуро Табак успеа да ги косолидира своите редови и пронајде вистинска против игра во која тимот на Пекабеско не успеа да се снајде што и дозволи на екипата на Еуро Табак резултатски да се одвои. Екипата на Пекабеско се обиде со голман играч да се врати во натпреварот, но тоа ја остави ранлива во одбраната што Еуро Табак го искористи за победа во овој дуел со резултат од 3-7.

Стрелци на головите беа:
Пекабеско: Стефан Благоевски 5’ Александар Арсиќ 25’ Бобан Вујиќ 37’
Еуро Табак: Дејан Јанковски 4’ 26’ 38’ 40’ Мартин Ливрински 24’ 31’ Борче Стојанов 33’

Ова коло се истакнаа следните поедници:

– Мишо Ѓоргиевски (Макпетрол) 5 гола
– Дејан Јанковски (Еуро Табак) 4 гола
– Лоренцо Николовски (Лукоил) 3 гола
– Влатко Петровски (ЕЛЕМ) 3 гола
– Игор Стојковски (Макпетрол) 3 гола

Allround играчи кои погодуваа во клучни моменти, асистираа до своите соиграчи кога беше најпотребно и допринесоа за подигање на моралот во екипата во ова коло беа: Трајче Илиевски (Сава Осигурување), Александар Божиков (Фабрика Карпош – ГИМ), Никола Христовски (Матрикс), Петре Даиловски (Матрикс), Коста Глигуровски (Сава Осигурување)

Екипа на колото: Макпетрол
Тренер на колото: Александар Јакимовски (Аџибадем Систина)
Голман на колото: Дарко Црвенковски (Сава Осигурување)
Гол на колото: Коста Глигуровски – Сава Осигурување (во дуелот со Алкалоид)