Реми во дуелот помѓу екипите на С.Ц. Борис Трајковски и Кромберг & Шуберт

С.Ц. Борис Трајковски 1-1(0-1) Кромберг & Шуберт
С.Ц. Борис Трајковски: Љубомир Стојановски 25”
Кромберг & Шуберт: Александар Крстевски 10”

Дуелот помеѓу С.Ц. Борис Трајковски и Кромберг & Шуберт и двете екипи го започнаа со цврста игра и пресинг по целиот терен. На двете страни се играше човек на човек во одбраната и игра во која екипите успешно го затвораа секој пробив кон противничкиот гол. Прва до водство дојде екипата на Кромберг & Шуберт преку Крстевски во 10” кој успеа да реализира одлично изработен напад. Екипата на С.Ц. Борис Трајковски со чести измени се обидуваше да држи висок ритам во играта со што би го изненадила Кромберг & Шуберт, но таа техничко-тактичка замисла остана без реализација па на полувремето Кромберг & Шуберт заминаа со предност од 0-1.
Во втората половина С.Ц. Борис Трајковски продолжи со истото темпо. Во ваквата поставеност екипата на С.Ц. Борис Трајковски успеа да изработи напад во кој Апостоловски асистираше до Стојановски 25” за израмнување на 1-1. Во продолжение на натпреварот и двете екипи се обидуваа да стигнат до играч плус како би можеле да остварат резлултатска предност но голманите како и одбраната на двете страни беа на ниво на задачата па на крајот ги поделија бодовите.