Со погодок во последната секунда ТЕМАТО славеше над Фабрика Карпош – ГИМ

Фабрика Карпош – ГИМ 4-5(2-2) ТЕМАТО

Фабрика Карпош – ГИМ: Александар Божиков 4’ Георги Божиков 32’ Кристијан Панев 2’
ТЕМАТО: Мерис Халитовиќ 29’ 40′ Ибрахим Мемети 5’ 13’ Шенол Идризи 34’

Одличен старт за екипата на Фабрика Карпош во дуелот со ТЕМАТО, тие на самиот почеток со гол на Панев успеаа да дојдат до предност од 1-0. Само минута подоцна преку одличен погодок на Божиков успеаа да го зголемат водството на 2-0, по ова рано водство на Фабрика Карпош – ГИМ екипата на ТЕМАТО ги консолидираше своите редови и успеа да ја намали резултатската негатива на 2-1. Екипата ТЕМАТО во 13та минута успеа да искористи грешка во одбраната на Фабрика Карпош и да дојде до израмнување на 2-2 преку вториот гол на Мемети. До крајот на полувремето двете екипи имаа по неколку одлични шанси но немаа реализација па на полувремето се замина со резултатот од 13та минута 2-2. Во второто полувреме двете екипи продолжија со висок ритам на игра и борба за топка на секој дел од теренот, екипата на ТЕМАТО успеа да реализира во 29та минута преку Халитовиќ и да дојде до целосен пресврт во овој натпревар. До 34та минута двете екипи дадоа по еден гол и резултатот беше 3-4 за екипата на ТЕМАТО, по ова екипата на Фабрика Карпош во игра внесе голман играч со што створи вишок во нападот и успеа да реализира за израмнување од 4-4. Во последната минута од натпреварот екипата на ТЕМАТО успеа да реализара одличне гол и да го добие овој натпревар со 4-5.